შეიტანეთ განაცხადი და მიიღეთ მონაწილეობა აღმოსავლეთ პარტნიორობის ახალგაზრდულ კონფერენციაში 

2022 წლის 11-12 ივლისს პრაღაში აღმოსავლეთ პარტნიორობის მეოთხე ახალგაზრდული კონფერენცია — „ახალგაზრდობა დემოკრატიის აღორძინებისთვის“ — გაიმართება.

კონფერენციაში მონაწილეობის მიღება შეუძლიათ ახალგაზრდებს ევროკავშირიდან და აღმოსავლეთ პარტნიორობის ქვეყნებიდან  — აზერბაიჯანიდან, ბელარუსიდან, მოლდოვიდან, საქართველოდან, სომხეთიდან და უკრაინიდან.

ასამდე ახალგაზრდას მიეცემა შესაძლებლობა, აღმოაჩინოს მეთოდები, სტრატეგიები და მექანიზმები, რომლებიც მათ დემოკრატიულ პროცესებში  ინკლუზიურ და ეფექტიან მონაწილეობას შეაძლებინებს. ისინი გაიგებენ,  როგორ ჩაერთონ საფუძვლიანად გადაწყვეტილებათა მიღების პროცესში და მოსთხოვონ ხელისუფლებას ადამიანის უფლებების და დემოკრატიული  სტანდარტების დაცვა. კონფერენცია, ამასთან, ფოკუსირდება იმაზეც, თუ როგორაა შესაძლებელი მეტად მშვიდობიანი და გამძლე თემების შექმნა. 

შერჩეულ კანდიდატებს მგზავრობის, კვებისა და საცხოვრებელი ხარჯები სრულად აუნაზღაურდებათ.

განაცხადის შეტანის ბოლო ვადაა 29 მაისი. 

კონფერენცია ორგანიზებულია აღმოსავლეთ პარტნიორობის სამოქალაქო საზოგადოების ფორუმის მიერ ევროკავშირის ფინანსური მხარდაჭერით.

დამატებითი ინფორმაცია

პრესრელიზი