სამოქალაქო საზოგადოების ორგანიზაციებისთვის საკომუნიკაციო ლაბორატორიების პროგრამაში ჩასართავად კონკურსი ცხადდება
სექტემბერი 6, 2023

სამოქალაქო საზოგადოების ორგანიზაციებისთვის საკომუნიკაციო ლაბორატორიების პროგრამაში ჩასართავად კონკურსი ცხადდება


ევროკავშირის მიერ დაფინანსებული „აღმოსავლეთ პარტნიორობის სამოქალაქო საზოგადოების ფონდის“ პროექტი საქართველოსა და სომხეთში მომუშავე სამოქალაქო საზოგადოების ორგანიზაციებისთვის კონკურსს აცხადებს. შერჩეული კანდიდატები ჩაერთვებიან „საკომუნიკაციო ლაბორატორიებში“ — სპეციალური შესაძლებლობების განვითარების პროგრამაში, რათა ევროკავშირის მხარდაჭერით განავითარონ და წამოიწყონ საკუთარი საკომუნიკაციო კამპანიები. 

 „საკომუნიკაციო ლაბორატორიების“ მიზანია, სამოქალაქო საზოგადოების ორგანიზაციები აღჭურვოს იმ უნარებით, რესურსებითა და რჩევებით, რომლებიც ეფექტიანი საკომუნიკაციო კამპანიების შემუშავებისა და განხორციელებისთვისაა საჭირო. ეს კამპანიები საზოგადოებას სამოქალაქო საზოგადოების ორგანიზაციების მნიშვნელოვანი როლის შესახებ მიაწვდის ინფორმაციას და ანახებს, რომ მათ დადებითი ცვლილებების მოტანა და ადამიანთა მობილიზება შეუძლიათ. 

 „საკომუნიკაციო ლაბორატორიებში“ მონაწილეობის მისაღებად შეირჩევა 20-მდე სამოქალაქო საზოგადოების ორგანიზაცია — 10 საქართველოდან და 10 სომხეთიდან. შესაძლებლობების განვითარების პროგრამის დასასრულს კი შეირჩევა 6-მდე კამპანიის იდეა და მათი ავტორები ამ იდეების განსახორციელებლად და დასაწყებად ევროკავშირის დაფინანსებას მიიღებენ. 

განაცხადის ფორმა მხოლოდ ინგლისურ ენაზე შეიძლება შეივსოს.

განაცხადების შეტანის ბოლო ვადაა 25 სექტემბერი. 

დამატებითი ინფორმაცია

პრესრელიზი

დახურვის თარიღი:

სექტემბერი 25, 2023


ყველაზე წაკითხული



გაინტერესებთ უკანასკნელი ცნობები და შესაძლებლობები?

ამ ვებსაიტს მართავს ევროკავშირის მიერ დაფინანსებული აღმოსავლეთ სამეზობლოს რეგიონული საკომუნიკაციო პროგრამა („EU NEIGHBOURS east“) 2020-2024. ეს პროგრამა ავსებს და მხარს უჭერს ევროკავშირის წარმომადგენლობების კომუნიკაციას აღმოსავლეთ პარტნიორობის ქვეყნებში; ის მოქმედებს სამეზობლო პოლიტიკის და გაფართოებაზე მოლაპარაკებების საკითხებში ევროკომისიის გენერალური დირექტორატის და ევროპული საგარეო ქმედებათა სამსახურის ხელმძღვანელობით. პროგრამას ახორციელებს კომპანიის GOPA PACE კონსორციუმი.


ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით. © European Union,