SALTO ახალგაზრდულ მუშაკებს ნარჩენების გამოყენების ხელოვნებაზე ონლაინკურსს სთავაზობს

იტალიური ახალგაზრდული არასამთავრობო ორგანიზაცია, “Associazione Culturale Idee in Movimento”, ახალგაზრდულ მუშაკებს ონლაინკურსზე, “Upcyclart”, დასასწრებლად იწვევს. ევროკავშირის მიერ დაფინანსებული SALTO პროგრამის ფარგლებში შემუშავებული კურსი ნარჩენებისგან ახალი პროდუქტების შექმნის ხელოვნებას ეძღვნება. 

ინტერაქტიური და პრაქტიკულ ცოდნაზე ორიენტირებული კურსი ახალგაზრდულ მუშაკებს ასწავლის, როგორ დაეხმარონ ახალგაზრდებს ნარჩენების გადამუშავებაზე მომუშავე ბიზნესების განვითარებაში. ამ გზით ინიციატივა ადგილობრივ დონეზე ნარჩენების მართვის პრობლემების მოგვარებასა და ევროპის მწვანე გარდაქმნას შეუწყობს ხელს.

კურსზე დასწრება შეუძლიათ ახალგაზრდულ მუშაკებს, ტრენერებს, ახალგაზრდული პროექტების მენეჯერებს და ახალგაზრდობის საკითხებზე მომუშავე მკვლევრებს საქართველოდან, აზერბაიჯანიდან, ბელარუსიდან, მოლდოვიდან, სომხეთიდან და უკრაინიდან.

კურსი თვითმართულია და დასრულების კონკრეტული თარიღი არ აქვს. 

დამატებითი ინფორმაცია

პრესრელიზი