ლორენცო ნატალის სახელობის კონკურსის 30-ე წლისთავი — შეიტანეთ განაცხადი 31 მარტამდე

მსოფლიოს ერთ-ერთი ყველაზე პრესტიჟული ჟურნალისტური ჯილდოს, ლორენცო ნატალის სახელობის პრემიის მოსაპოვებლად განაცხადების მიღება უკვე დაიწყო. კონკურსში მონაწილეობა მდგრადი განვითარების საკითხებზე მომუშავე ჟურნალისტებს შეუძლიათ. 

ევროკომისიის მიერ 1992 წელს დაარსებული კონკურსი წელს პრიზებს ოცდამეათედ გასცემს. პრემია ატარებს ლორენცო ნატალის სახელს, რომელიც განვითარების საკითხებში ევროკომისიის წევრი და გამოხატვის თავისუფლების, დემოკრატიის, ადამიანის უფლებების და განვითარების მტკიცე მხარდამჭერი გახლდათ.

ჟურნალისტებს აქვთ ერთი განაცხადის შეტანის უფლება ჩამოთვლილი სამი კატეგორიიდან ერთ-ერთში:

• გრან-პრი: ევროკავშირის ერთ-ერთი პარტნიორი ქვეყნის მედიაში გამოქვეყნებული რეპორტაჟისთვის.
• ევროპის პრიზი: ევროკავშირის ერთ-ერთი ქვეყნის მედიაში გამოქვეყნებული რეპორტაჟისთვის.
• საუკეთესო დამწყები ჟურნალისტის პრიზი: 30 წლამდე ასაკის ჟურნალისტის მიერ მომზადებული რეპორტაჟისთვის, რომელიც ევროკავშირის ან მისი ერთ-ერთი პარტნიორი ქვეყნის მედიაში გამოქვეყნდა.

თითოეულ კატეგორიაში გამარჯვებულს 10,000 ევრო გადაეცემა. გარდა ამისა, საუკეთესო დამწყები ჟურნალისტის კატეგორიაში გამარჯვებულს პარტნიორ მედიასაშუალებაში გამოცდილების მიღების შესაძლებლობა მიეცემა.

განაცხადების შეტანის ბოლო ვადაა 31 მარტი

დამატებითი ინფორმაცია

პრესრელიზი