ღია მმართველობის პარტნიორობა სამოქალაქო საზოგადოების ორგანიზაციებისთვის საგრანტო კონკურსს აცხადებს

ღია მმართველობის პარტნიორობა (OGP) ევროკავშირის მხარდაჭერით ღია კარის საგრანტო კონკურსს იწყებს. კონკურსში საპროექტო წინადადებების წარდგენა საქართველოში მოქმედ სამოქალაქო საზოგადოების ორგანიზაციებსაც შეუძლიათ. 

კონკურსის მიზანი აღმოსავლეთ პარტნიორობის რეგიონში  სამოქალაქო საზოგადოების გააქტიურება და სექტორთაშორისი პარტნიორობის ისეთ სფეროებში გაძლიერებაა, როგორიცაა: კეთილსინდისიერება, კორუფციის წინააღმდეგ ბრძოლა, საჯარო მომსახურება, მართლმსაჯულება, კრიზისებთან გამკლავება, ინფორმაციაზე წვდომა, სამოქალაქო სივრცე, ღია მმართველობა და ომის თუ მის შემდგომ პერიოდში აღდგენის პროცესში ჩართვა. 

კონკურსში მონაწილეობა შეუძლიათ სამოქალაქო საზოგადოების ორგანიზაციებსა და კონსორციუმებს მოლდოვის რესპუბლიკიდან, საქართველოდან, სომხეთიდან და უკრაინიდან. უპირატესობა მიენიჭება რამდენიმე მონაწილისგან შემდგარ გუნდებს. კონკურსი ასევე ღიაა ქვეყანათაშორისი პარტნიორობებისთვისაც. 

შერჩეულ კანდიდატებს გრანტის სახით 25,000 ევრომდე თანხა გადაეცემათ.

განაცხადები რაუნდებად მიიღება. თითოეული რაუნდის ბოლო ვადა ყოველი კვარტლის ბოლოა: 2023 წლის 31 მარტი, 2023 წლის 30 ივნისი, 2023 წლის 30 სექტემბერი და 2023 წლის 31 დეკემბერი.

კონკურსი ევროკავშირი კეთილსინდისიერებისთვის პროგრამის ნაწილადაა გამოცხადებული. ევროკავშირის მიერ დაფინანსებულ ამ პროგრამას ღია მმართველობის პარტნიორობა და ეკონომიკური თანამშრომლობისა და განვითარების ორგანიზაციის ანტიკორუფციული ქსელი ერთობლივად ახორციელებენ. 

დამატებითი ინფორმაცია

პრესრელიზი