ევროპის რეკონსტრუქციისა და განვითარების ბანკი ლიტერატურული პრემიის 2024 წლის კონკურსს იწყებს
ევროპის რეკონსტრუქციისა და განვითარების ბანკმა (EBRD) 2024 წლის EBRD-ის ლიტერატურული პრემიის კონკურსი გამოაცხადა.
EBRD-ის პრემია გადაეცემა იმ ქვეყნის ენაზე დაწერილ მხატვრულ ნაწარმოებს, რომელშიც ბანკი ინვესტიციებს ახორციელებს. ამ ქვეყნებს შორის საქართველო და აღმოსავლეთ პარტნიორობის დანარჩენი ხუთი ქვეყანაც შედის. ნაწარმოები თარგმნილი უნდა იყოს ინგლისურ ენაზე და ის პირველად ევროპაში (მათ შორის გაერთიანებული სამეფოში) ან — უკვე 2024 წლიდან — ჩრდილოეთ ამერიკაში მოქმედი გამომცემლობის მიერ გასული წლის განმავლობაში უნდა იყოს დაბეჭდილი.
მსაჯები მოკლე სიას 2024 წლის მარტში შეადგენენ, შემდეგ კი სამ ფინალისტს გამოავლენენ. საბოლოო გამარჯვებული 2024 წლის ივნისში ბანკის ლონდონის სათავო ოფისში გამართულ დაჯილდოების ცერემონიაზე გამოცხადდება.
გამარჯვებულ წიგნს 20 000 ევროს ოდენობის ფულადი ჯილდო გადაეცემა და ის თანაბრად გადაუნაწილდება ავტორსა და მთარგმნელს. დანარჩენი ორი ფინალისტი 4 000 ევროს ოდენობის ჯილდოს მიიღებს, რომელიც ასევე თანაბრად გადანაწილდება ავტორებსა და მთარგმნელებს შორის.
განაცხადების შეტანის ბოლო ვადაა 2023 წლის 30 ნოემბერი.
დამატებითი ინფორმაცია
დახურვის თარიღი:
ყველაზე წაკითხული
თემაზე
EU4Dialogue საქართველოში: სათემო ინიციატივების კონკურსი საზოგადოებრივი ორგანიზაციებისთვის
კვლევითი კონკურსი საქართველოში თემაზე „აკადემიური თავისუფლება და უმაღლესი განათლება — ადგილობრივი და საერთაშორისო გამოწვევები“
მწვერვალებს მიღმა: SALTO გთავაზობთ ინფორმაციას ახალგაზრდების საქმიანობის შესახებ ტიროლში (ავსტრია)
Capture26: ევროპოლი სამართალდაცვის თემაზე ფოტოკონკურსისთვის განაცხადების მიღებას იწყებს
კონკურსი წარმოების სექტორის მცირე და საშუალო საწარმოებისთვის საქართველოში
ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით. © European Union,
