ევროკომისიაში სტაჟირების კონკურსი დაიწყო — შეიტანეთ განაცხადი 31 იანვრამდე

დაიწყო განაცხადების მიღება ევროკომისიაში სტაჟირებისთვის, რომელიც 2022 წლის ოქტომბერში დაიწყება.

სტაჟირების პროგრამა, Blue Book, პრაქტიკული გამოცდილების მიღების შესაძლებლობას ევროკავშირის დირექტორატებში, ინსტიტუტებსა და ორგანიზაციებში ანაზღაურებადი სტაჟირების შეთავაზებით იძლევა. სტაჟირების გავლა შესაძლებელია ბრიუსელში, ლუქსემბურგში ან ევროკავშირის ნებისმიერ სხვა ქალაქში, სადაც ევროკავშირის ორგანიზაციები მდებარეობს.

კონკურსი უპირატესად ევროკავშირის მოქალაქეებისთვისაა გამოცხადებული, მაგრამ ადგილების შეზღუდული რაოდენობა არაწევრი ქვეყნების მოქალაქეებისთვისაც არის გამოყოფილი.

განაცხადის შეტანა შეგიძლიათ, თუ ხართ უნივერსიტეტის კურსდამთავრებული ნებისმიერ დისციპლინაში, არ გაქვთ ექვს კვირაზე მეტი ხნის სამუშაო გამოცდილება ევროკავშირის ინსტიტუტში, უწყებაში, ორგანიზაციაში ან წარმომადგენლობაში და კარგად ფლობთ ინგლისურ, გერმანულ ან ფრანგულ ენას.

განაცხადების შეტანის ბოლო ვადაა 2022 წლის 31 იანვარი.

დამატებითი ინფორმაცია

პრესრელიზი