ევროკავშირის ახალგაზრდული პოლიტიკის ფარგლებში პარტნიორობის ხელშემწყობი ინიციატივა მოეწყობა

ქსელი, SALTO EECA, ახალგაზრდულ მუშაკებს, ახალგაზრდული პროექტების მენეჯერებს, ახალგაზრდული პოლიტიკის შემმუშავებლებსა და ახალგაზრდა მკვლევრებს პარტნიორობის ხელშემწყობ ღონისძიებაზე იწვევს. ინიციატივა EECA-ის (აღმოსავლეთ ევროპისა და კავკასიის) რეგიონსა და თურქეთში ადგილობრივად მომუშავეთათვის არის განკუთვნილი.

ღონისძიების მთავარი მიზანია, მდგრადი პარტნიორობების შესაქმნელად და რეგიონში ახალგაზრდული პოლიტიკის საკითხებისა და მნიშვნელობის განსახილველად შეკრიბოს შესაბამისი ორგანიზაციები. 

ღონისძიება თურქეთის დედაქალაქ სტამბოლში 2026 წლის 23-27 მარტს გაიმართება. 

ღონისძიებაზე დასწრება შეუძლიათ აზერბაიჯანის, ბელარუსის, მოლდოვის, საქართველოს, სომხეთისა და უკრაინის წარმომადგენლებს. 

ღონისძიების ორგანიზატორია Erasmus+ პროგრამის თურქეთის ეროვნული სააგენტო და ევროპის სოლიდარობის კორპუსი (ESC). საცხოვრებლის, საკვებისა და მოგზაურობის ხარჯებს თურქეთის ეროვნული სააგენტო დაფარავს. 

განაცხადების მიღების ბოლო ვადაა 2026 წლის 9 თებერვალი. 

დამატებითი ინფორმაცია

პრესრელიზი