EU4Dialogue სამხრეთ კავკასიასა და მოლდოვაში კულტურის მენეჯმენტის აკადემიის მეოთხე ტალღას იწყებს

EU4Dialogue პროექტის ფარგლებში, გოეთეს ინსტიტუტი სამხრეთ კავკასიასა და მოლდოვის რესპუბლიკაში მცხოვრები და ფილმის ფესტივალების ინდუსტრიაში მომუშავე პროფესიონალებისა თუ კულტურის სფეროს მენეჯერებისათვის კულტურის მენეჯმენტის აკადემიის მე-4 მოწვევას აცხადებს.

აკადემია MOLDOX ფესტივალთან პარტნიორობითაა ორგანიზებული და მოლდოვის ქალაქ კაჰულში 18-27 ივნისს გაიმართება.

პროგრამა მსურველებს შესაძლებლობას აძლევს, მონაწილეობა მიიღონ ინტენსიურ სემინარში, რომელიც მოიცავს ლექციებს, სამუშაო შეხვედრებს, ინტერაქციულ სავარჯიშოებსა თუ საერთო და ინდივიდუალურ სესიებს. თითოეული მონაწილე ერთდროულად იქნება მოსწავლეცა და მასწავლებელიც. ის მიიღებს ცოდნას საერთაშორისო ტრენერებისგან, გამოიმუშავებს ახალ უნარებს და დაამყარებს პროფესიულ კავშირებს.

სესიებზე განიხილება კულტურასთან დაკავშირებული როგორც ზოგადი თემები (კავშირების დამყარება, საზოგადოების ჩართვა, კონფლიქტები), ასევე მეტად კონკრეტული საკითხები (მენეჯერული მიდგომები, ლიდერული სტრატეგიები, მეწარმეობა თუ დაფინანსება). 

პროგრამის კიდევ ერთ ნაწილს შეადგენს პროექტთა ინკუბატორი, რომლის მონაწილეებიც წარადგენენ საპროექტო განაცხადებს თავიანთი იდეების რეზიდენტურებად ქცევის მიზნით. 

ორგანიზატორები მონაწილეებს კაჰულში ყოფნის პერიოდში საცხოვრებლითა და სამჯერადი კვებით უზრუნველყოფენ და დაფარავენ მგზავრობის ხარჯებს. 

განაცხადების შეტანის ბოლო ვადაა 17 მაისი. 

ევროკავშირის მიერ დაფინანსებული პროექტი, EU4Dialogue, სამხრეთ კავკასიასა და მოლდოვაში 2021 წლის მაისიდან 2025 წლის აპრილამდე პერიოდში ხორციელდება. მისი მიზანი პროფესიონალებს, სტუდენტებსა თუ ხელოვანებს შორის საგანმანათლებლო და კულტურული გაცვლების წახალისება და არსებული ბარიერების ჩამოშლაა. 

დამატებითი ინფორმაცია

პრესრელიზი

სააპლიკაციო პორტალი