CENN ქალებისა და ახალგაზრდებისთვის კლიმატის ცვლილების თემატურ ბანაკს მართავს

კავკასიის გარემოსდაცვითი არასამთავრობო ორგანიზაციების ქსელი (CENN) ქალებსა და ახალგაზრდებს კლიმატის ცვლილების თემატურ ბანაკში მონაწილეობის მისაღებად იწვევს. ევროკავშირის მიერ მხარდაჭერილი ინიციატივა მიმდინარე პროექტის, „საქართველოს კლიმატის პროგრამის“ ფარგლებში ხორციელდება.

მონაწილეები ტრენინგს შემდეგ საკითხებზე გაივლიან: ადამიანის უფლებებზე დაფუძნებული მიდგომა, კლიმატის ცვლილება და მისი გამომწვევი მიზეზები, კლიმატის ცვლილების გავლენის შერბილება და მასთან ეფექტიანი ადაპტაცია, წყლის რესურსების ეფექტიანი მართვა და ენერგოეფექტიანობა.

ტრენინგის ბოლოს მონაწილეები კლიმატის ცვლილების სფეროში ახალგაზრდებისა და ქალების აქტივიზმის ხელშემწყობ ოთხ ერთობლივ ინიციატივას შეიმუშავებენ. 

ბანაკში მონაწილეობა გურჯაანის, საგარეჯოს, ახმეტის (კახეთის რეგიონი), ზესტაფონის, ტყიბულის, ჭიათურის (იმერეთის რეგიონი), ლანჩხუთისა და ოზურგეთის (გურიის რეგიონი) მუნიციპალიტეტებში მცხოვრებ 15-35 წლის ახალგაზრდებსა და ქალებს შეუძლიათ.

ბანაკი 2022 წლის 6-11 სექტემბერს გაიმართება.

განაცხადების შეტანის ბოლო ვადაა 8 ივლისი.

დამატებითი ინფორმაცია

პრესრელიზი