ანაზღაურებადი სტაჟირება ევროკომისიაში – შეიტანეთ განაცხადი 31 აგვისტომდე

ევროკომისიამ გამოაცხადა კონკურსი ხუთთვიან ანაზღაურებად სტაჟირებაზე, რომელიც 2024 წლის მარტში დაიწყება.

სტაჟირების პროგრამა, Blue Book, გაძლევთ შანსს, მიიღოთ პრაქტიკული გამოცდილება ანაზღაურებადი სტაჟირების სახით ევროკავშირის დირექტორატებში, ინსტიტუტებსა და სააგენტოებში. სტაჟირების გავლა შესაძლებელია ბრიუსელში, ლუქსემბურგში ან ნებისმიერ სხვა ადგილას ევროკავშირის შიგნით, სადაც მისი სააგენტოები მდებარეობს.

კონკურსი, ძირითადად, ევროკავშირის მოქალაქეებისთვის ცხადდება, მაგრამ ადგილების შეზღუდული რაოდენობა გამოყოფილია მათთვისაც, ვინც ევროკავშირის მოქალაქე არ არის.

განაცხადის შეტანა შეუძლიათ უნივერსიტეტის კურსდამთავრებულებს ნებისმიერ დისციპლინაში. კანდიდატს არ უნდა ჰქონდეს ევროკავშირის ინსტიტუტებში, ორგანიზაციებში, სააგენტოებში ან წარმომადგენლობებში ექვს კვირაზე მეტი ხნით მუშაობის გამოცდილება და მან კარგად უნდა იცოდეს ინგლისური, გერმანული ან ფრანგული ენა.

განაცხადების შეტანის ბოლო ვადაა 2023 წლის 31 აგვისტო.

დამატებითი ინფორმაცია

პრესრელიზი