კარგი მმართველობა: საქართველოში ევროკავშირისა და ევროპის საბჭოს ახალი პროექტები წარადგინეს
ევროკავშირმა და ევროპის საბჭომ საქართველოში წარადგინეს ახალი პროექტები, რომლებიც ერთობლივი პროგრამის, „პარტნიორობა კარგი მმართველობისთვის“, მესამე ფაზის (PGG III) ფარგლებში 2023-2027 წლებში განხორციელდება.
ქვეყნის საჭიროებებზე მორგებული ოთხი პროექტის საერთო ბიუჯეტი 3 მილიონ ევროს შეადგენს და მათ ევროკავშირი და ევროპის საბჭო ერთობლივად დააფინანსებენ. ეს პროექტები საქართველოს ხელისუფლებას დაეხმარება, გააძლიეროს მართლმსაჯულების დამოუკიდებლობა და გააუმჯობესოს ინსტიტუციური თუ საოპერაციო პოტენციალი კორუფციის, ფულის გათეთრების, ტერორიზმის დაფინანსებისა და სიძულვილის ენის წინააღმდეგ საბრძოლველად. PGG ქვეყანას ევროპული პერსპექტივის დღის წესრიგის კონტექსტშიც დაუჭერს მხარს, ევროპის საბჭოს სტანდარტების შესაბამისად.
რეგიონულ დონეზე საქართველო სხვა ქვეყნებთან ერთად სამ პროექტში მიიღებს მონაწილეობას. მათი მიზანია ეკონომიკურ დანაშაულთან ბრძოლა, თანასწორობის მხარდაჭერა და მართლმსაჯულებაზე ქალთა ხელმისაწვდომობის გაუმჯობესება.
„პარტნიორობა კარგი მმართველობისთვის“ (PGG) ევროკავშირისა და ევროპის საბჭოს ერთობლივი ინიციატივაა, რომლის მიზანსაც აღმოსავლეთ პარტნიორობის რეგიონში კარგი მმართველობის გაძლიერება წარმოადგენს.
დამატებითი ინფორმაცია
ყველაზე წაკითხული
თემაზე
ურსულა ფონ დერ ლაიენი: „საქართველო გზაჯვარედინზეა. მან ევროპისკენ აღებული კურსი არ უნდა შეცვალოს“
EU4Dialogue: ორგანიზაციის, „ხელები მშვიდობისთვის“, პროექტის ფარგლებში შექმნილი ნამუშევრები ზუგდიდში გამოიფინა
ბორელი მკაცრად გმობს საქართველოში მომიტინგეთა მიმართ ძალადობას
ჯოზეფ ბორელი საქართველოს პოლიტიკურ ლიდერებს უცხოური გავლენის შესახებ კანონპროექტის გაწვევისკენ მოუწოდებს
ევროკავშირი, გაერო და ავსტრია საქართველოში ჰაერის ხარისხის გასაუმჯობესებლად ახალ პროექტს იწყებენ
ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით. © European Union,
