EBRD თბილისის 12-მდე მეტროსადგურის განახლებას დაუჭერს მხარს

ევროპის რეკონსტრუქციისა და განვითარების ბანკი (EBRD) თბილისის სატრანსპორტო კომპანიას 12-მდე მეტროსადგურის რეაბილიტაციისთვის სესხის სახით 50.6 მილიონამდე ევროს გამოუყოფს.

ხელშეკრულებას ხელი 17 იანვარს, პოლიტიკის და პარტნიორობის საკითხებში EBRD-ის ვიცე-პრეზიდენტის, მარკ ბოუმენის თბილისში ვიზიტისას მოეწერა.

დახმარების მიზანია, დედაქალაქის მეტ მოქალაქეს უბიძგოს საზოგადოებრივი ტრანსპორტით მგზავრობისკენ. უკეთესი განათება, ვენტილაცია და მეტად ენერგოეფექტიანი ესკალატორები თბილისელებისთვის ყოველდღიური მგზავრობის გამოცდილებას გააუმჯობესებს. სადრენაჟო სისტემების კაპიტალური რემონტი კი მიწისქვეშა ქსელს კლიმატის ცვლილების პირობებში მეტად გამძლეს გახდის. 

1.2-მილიონიანი მოსახლეობით, თბილისი ერთ-ერთი პირველი ქალაქია, რომელიც EBRD-ის მწვანე ქალაქების პროგრამას შეუერთდა: პროგრამა მონაწილე ქალაქებს ეკოლოგიური პრობლემების გადაჭრაში ინვესტიციებითა და ეკომეგობრული პოლიტიკის შემუშავებით ეხმარება. თბილისი ასევე ერთ-ერთი პირველი ქალაქი იყო, რომელმაც მწვანე ქალაქის სამოქმედო გეგმა შეიმუშავა. 

დამატებითი ინფორმაცია

პრესრელიზი