ევროკავშირი ხელოვნებისა და კულტურის სფეროს მოღვაწეებისათვის მობილობის ახალ სქემას იწყებს
20 ივლისს ევროკომისიამ 21 მილიონი ევროს ღირებულების მობილობის პროგრამის ასამუშავებლად გოეთეს ინსტიტუტთან შეთანხმებას მოაწერა ხელი. ინიციატივა, „ევროპას კულტურა ამოძრავებს“ , ხელოვნებისა და კულტურის მოღვაწეებისთვისაა განკუთვნილი.
მობილობის ახალი სქემა შემოქმედებითი ევროპის ფარგლებში მოქმედ მუდმივ ღონისძიებად იქცევა. მას საფუძვლად უდევს წარმატებული საპილოტე პროექტი, I-Portunus, რომელიც 2018-2022 წლებში განხორციელდა.
ინიციატივა ხელოვნების და კულტურის მუშაკებს გრანტებს შესთავაზებს და „შემოქმედებითი ევროპის“ კულტურის მიმართულების ყველა სექტორის და ყველა წევრი ქვეყნის წარმომადგენელ ორგანიზაციებს მასპინძლობას გაუწევს. განსაკუთრებული ყურადღება დამწყებ ხელოვანებს დაეთმობა.
აღმოსავლეთ პარტნიორობის ქვეყნებიდან საქართველო და უკრაინა „შემოქმედებითი ევროპის“ პროგრამაში ნაწილობრივ მონაწილეობენ. სომხეთი კი პროგრამაში ნაწილობრივ ჩართვაზე მოლაპარაკებებს აწარმოებს.
მომავალი სამი წლის განმავლობაში მობილობის სქემა 7,000-მდე ხელოვანს, შემოქმედსა თუ კულტურის სფეროს პროფესიონალს მისცემს საზღვარგარეთ მოგზაურობის შესაძლებლობას. მსგავსი მოგზაურობის მიზანი შეიძლება იყოს პროფესიული განვითარება თუ საერთაშორისო თანამშრომლობა, თანაპროდიუსერობა, ერთობლივი შემოქმედება და საკუთარი ნაშრომების ახალი აუდიტორიებისთვის წარდგენა.
პირველი კონკურსები, სავარაუდოდ, 2022 წლის შემოდგომაზე გამოცხადდება.
დამატებითი ინფორმაცია
ყველაზე წაკითხული
თემაზე
ურსულა ფონ დერ ლაიენი: „საქართველო გზაჯვარედინზეა. მან ევროპისკენ აღებული კურსი არ უნდა შეცვალოს“
EU4Dialogue: ორგანიზაციის, „ხელები მშვიდობისთვის“, პროექტის ფარგლებში შექმნილი ნამუშევრები ზუგდიდში გამოიფინა
ბორელი მკაცრად გმობს საქართველოში მომიტინგეთა მიმართ ძალადობას
ჯოზეფ ბორელი საქართველოს პოლიტიკურ ლიდერებს უცხოური გავლენის შესახებ კანონპროექტის გაწვევისკენ მოუწოდებს
ევროკავშირი, გაერო და ავსტრია საქართველოში ჰაერის ხარისხის გასაუმჯობესებლად ახალ პროექტს იწყებენ
ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით. © European Union,
