ევროკავშირსა და საქართველოს შორის ადამიანის უფლებათა დაცვის საკითხებზე ყოველწლიური დიალოგი გაიმართა
22 ივნისს ბრიუსელში ევროკავშირსა და საქართველოს შორის ადამიანის უფლებათა დაცვის საკითხებზე ყოველწლიური დიალოგის რიგით მე-15 შეხვედრა გაიმართა.
მხარეებმა საქართველოში ადამიანის უფლებების დაცვის კუთხით არსებულ ვითარებაზე გაცვალეს მოსაზრებები. მათ განიხილეს ის, თუ როგორ განვითარდა დემოკრატიისა და ადამიანის უფლებების დაცვისა და მხარდაჭერის სფერო წინა, 2021 წლის ივლისის დიალოგის შემდეგ.
საქართველოს დელეგაციას საგარეო საქმეთა მინისტრის მოადგილე, თეიმურაზ ჯანჯალია თავმჯდომარეობდა, ხოლო ევროკავშირის დელეგაციას — ევროპის საგარეო ქმედებათა სამსახურის წარმომადგენელი, რიჩარდ ტიბელსი. შეხვედრაში ასევე მონაწილეობდა ემონ გილმორი, რომელიც ადამიანის უფლებათა საკითხებში ევროკავშირის სპეციალური წარმომადგენელი გახლავთ.
ევროკავშირსა და საქართველოს შორის ადამიანის უფლებათა დაცვის საკითხებზე დიალოგის მომდევნო შეხვედრის ჩატარება 2023 წელს თბილისშია დაგეგმილი.
დამატებითი ინფორმაცია
ყველაზე წაკითხული
თემაზე
ბორელი მკაცრად გმობს საქართველოში მომიტინგეთა მიმართ ძალადობას
ჯოზეფ ბორელი საქართველოს პოლიტიკურ ლიდერებს უცხოური გავლენის შესახებ კანონპროექტის გაწვევისკენ მოუწოდებს
ევროკავშირი, გაერო და ავსტრია საქართველოში ჰაერის ხარისხის გასაუმჯობესებლად ახალ პროექტს იწყებენ
ევროკავშირი უცხოური გავლენის შესახებ კანონს „ევროკავშირის ნორმებთან და ღირებულებებთან შეუთავსებელს“ უწოდებს
არა, დრო რუსეთის მხარეს არაა: ბორელი ომისა და ევროკავშირის სანქციების შედეგად რუსეთის ეკონომიკის დასუსტებას აღწერს
ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით. © European Union,
