Մեկնարկել է ԱլԳ քաղաքացիական հասարակության կրթաթոշակային ծրագրի 2026 թ. հայտերի ընդունումը
Արեւելյան գործընկերության քաղաքացիական հասարակության հիմնադրամը հայտարարում է ԵՄ կողմից ֆինանսավորվող 2026 թվականի կրթաթոշակային ծրագրի շրջանակում իր առաջին հայտամրցույթի մասին։
Քաղաքացիական հասարակության կրթաթոշակների այս մրցույթը բաց է Արեւելյան գործընկերության երկրների (Հայաստան, Ադրբեջան, Բելառուս, Վրաստան, Մոլդովա եւ Ուկրաինա) բոլոր քաղաքացիների համար՝ անկախ նրանց ներկայիս գտնվելու վայրից։
Դիմորդները պետք է լինեն 18 տարեկանից բարձր, ունենան անգլերեն լեզվի լավ իմացություն եւ ունենան համայնքային ակտիվության կամ քաղաքացիական տեխնոլոգիաների ոլորտում կրթաթոշակային նախագծի գաղափար։
Ընտրված թեկնածուներին կտրամադրվի համապատասխան ուսուցում եւ հրահանգավորում, 5000 եվրո՝ համապատասխան միջոցառումների իրականացման համար, ինչպես նաեւ գործնական կապերի հաստատման հնարավորություններ: Դուք նաեւ կկարողանաք դառնալ ԱլԳ քաղաքացիական հասարակության հիմնադրամի կրթաթոշակային ծրագրի շրջանավարտների ցանցի անդամ:
Սույն մրցույթի շրջանակում հատկացվող կրթաթոշակները երկու տեսակի են՝ Համայնքային ակտիվության կրթաթոշակներ եւ Քաղաքացիական թվային կրթաթոշակներ։ Մրցույթը բաց է ցանկացած նախագծային գաղափարի համար, որը կնպաստի դիմակայուն, կայուն եւ ինտեգրված տնտեսության ստեղծմանը, հաշվետվողականության, օրենքի գերակայության եւ անվտանգության ամրապնդմանը, դիմակայուն եւ ներառական թվայնացմանն աջակցելուն, շրջակա միջավայրի եւ կլիմայի դիմակայունության ապահովմանը, ինչպես նաեւ մասնակցային որոշումների կայացման եւ սոցիալական արդարության խթանմանը։
Լրացուցիչ գնահատման միավորներ կշնորհվեն քաղաքացիական հասարակության դիմակայունության ամրապնդմանը նպաստող կրթաթոշակային նախագծերին։
Դիմումների ընդունման վերջնաժամկետը դեկտեմբերի 30-ն է։ Դիմումները կարող են ներկայացվել առցանց։
Յուրաքանչյուր ոք միավոր մրցույթի համար կարող է ներկայացնել միայն մեկ դիմում, բայց որեւէ մրցույթում չհաջելու դեպքում միշտ կարելի է նոր դիմում ներկայացնել ապագա մրցույթների համար։
Առաջիկա մրցույթները կբացվեն 2026 թվականի գարնանը, 2026 թվականի ձմռանը եւ, վերջապես, 2027 թվականի գարնանը։
Իմացիր ավելին
ՀՆԱՐԱՎՈՐՈՒԹՅԱՆ ՏԵՍԱԿ
ԱՄԵՆԱԿԱՐԴԱՑԱԾ
ԱՌՆՉՎՈՂ ԹԵՄԱՆԵՐ
EU4Dialogue ծրագիրը մեկնարկում է դրամաշնորհային մրցույթ ՀՀ մարզերում տեղական մակարդակում նախաձեռնվող համայնքահեն ծրագրերի համար
ՍԱԼՏՈ. Հայտերի ընդունում ս.թ. հոկտեմբերին Վրաստանում կայանալիք միջազգային գործընկերության հաստատման միջոցառմանը մասնակցելու համար
Three4ResilientArmenia ծրագրի շրջանակում մեկնարկում է բիզնեսի աջակցության ծրագրերի հայտադիմումների ընդունման երրորդ փուլը
ՍԱԼՏՈ-ն կազմակերպում է ուսումնական այց դեպի Ավստրիայի Տիրոլ նահանգ՝ առաջարկելով ծանոթանալ տեղում գյուղական երիտասարդական աշխատանքի առանձնահատկություններին
Սիմոնակ Վեյլի անվան մրցանակ. մեկնարկել է առաջին մրցույթի համար հայտերի ընդունումը, որը բաց է նաեւ Հայաստանի համար
Սույն կայքում առկա տեղեկատվությունը կարգավորվում է պատասխանատվության սահմանափակման և անձնական տվյալների պաշտպանության մասին դրույթներով:
© European Union,
