Կարճաժամկետ կամավորության հնարավորություն Լեհաստանի «Հեքիաթային անտառ» հիմնադրամում

Լեհաստանի Լուբնյանի գյուղում տեղակայված «Հեքիաթային անտառ» հիմնադրամը հրավիրում է Արևելյան գործընկերության երկրները ներկայացնող կամավորների՝ մասնակցելու 8-շաբաթյա կամավորական աշխատանքի: Այն կտևի մինչև հունիսի 30-ը։

«Հեքիաթային անտառ»-ն այլընտրանքային անտառային նախակրթարան է, որտեղ երեխաները հնարավորություն ունեն բնական զարգացում ապրել բնության հետ ներդաշնակության և առանց բռնության (ոչ բռնի հաղորդակցության) պայմաններում: Այս պահին տասներկու երեխաներ մասնակցում են ամենօրյա առավոտյան խմբակին, շրջակա անտառներում և մարգագետիններում էքսկուրսիաներին, ինչպես նաև բազմաթիվ միջոցառումներին (խոհարարական օր, ձիավարություն, հյուրերի այցելություններ և այլն):

Յուրաքանչյուր կամավոր գյուղի տարածքում կստանա առանձին սենյակ, ինչպես նաև 500 զլոտի գումար՝ գրպանի ծախսերի համր: Նա նաև կստանա լրացուցիչ 120 եվրո գումար՝ որպես ճանապարհածախսի փոխհատուցում:

Դիմումների ընդունման վերջնաժամկետը ս.թ. հունվարի 31-ն է:

Իմացիր ավելին

Մամուլի հաղորդագրություն