Երիտասարդները գործելիս. 750 եվրոյի չափով կարողությունների զարգացման ֆելոուշիփ Հայաստանում երիտասարդ մասնագետների համար

Եվրոպական միության կողմից համաֆինանսավորվող «Երիտասարդները գործելիս. Հայաստանում երիտասարդների զորեղացման եւ առաջնորդության խթանման» ծրագիրը հրավիրում է Հայաստանի 6 մարզերի՝ Արմավիրի, Տավուշի, Լոռու, Շիրակի, Սյունիքի եւ Գեղարքունիքի 22-30 տարեկան երիտասարդ մասնագետներին դիմելու կարողությունների զարգացման վարձատրվող ֆելոուշիփի բաց մրցույթին։

Մրցույթի նպատակն է հզորացնել եւ կրթել երիտասարդներին եւ երիտասարդական ՀԿ-ներին՝ խրախուսելով նրանց ակտիվ մասնակցությունը Հայաստանի քաղաքացիական եւ հասարակական կյանքում: Սույն մրցույթի շնորհիվ երիտասարդ մասնագետները հնարավորություն կունենան ձեռք բերել մասնագիտական փորձառություն եւ ստանալ ուղղորդում ոլորտային փորձագետների կողմից։

Հյուրընկալող կազմակերպություններին եւ ֆելոուներին իրար հետ կապելու համար իրականացվելու է քարտեզագրում՝ հաշվի առնելով մասնագիտական առանձնահատկությունները եւ փորձառությունները, ինչպես նաեւ ֆելոուների կողմից հայտադիմումում նշված ոլորտները։

Ֆելոուշիփի տեւողությունը երեք ամիս է՝ 2025թ-ի փետրվար-ապրիլ ամիսների ընթացքում։ Ֆելոուն մասնակցության ամբողջ ընթացքի համար կստանա 750 եվրոյին համարժեք ՀՀ դրամ վարձատրություն։

Հայտադիմումները ներկայացնելու վերջնաժամկետը 2024թ-ի դեկտեմբերի 30-ն է։

«Երիտասարդները գործելիս. Հայաստանում երիտասարդների զորեղացման եւ առաջնորդության խթանման» ծրագիրը Եվրոպական միության եւ Կոնրադ Ադենաուեր հիմնադրամի կողմից ֆինանսավորվող նախաձեռնություն է, որն իրականացվում է Վորլդ Վիժն Հայաստանի, Մեդիա նախաձեռնությունների կենտրոնի եւ Երիտասարդական նախաձեռնությունների կենտրոնի հետ համատեղ:

Իմացիր ավելին

Մամուլի հաղորդագրություն