Արեւելյան գործընկերության երկրներում ներառական երիտասարդական աշխատանքի վերաբերյալ ուսումնական մոդուլ

«Inclusion Now!» ուսումնական մոդուլն ուղղված է ինտերակտիվ եւ փորձարարական մեթոդների ու գործիքների ուսումնասիրությանը, որոնք կենտրոնանում են Արեւելյան գործընկերության երկրներում երիտասարդական աշխատանքի ոլորտում երիտասարդների ներառականության, հավասարության եւ բազմազանության վրա։

Այն ուղղված է երիտասարդական աշխատողների, ուսուցանողների եւ դասընթացավարների հավասարության, բազմազանության եւ ներառականության կոմպետենցիաների զարգացմանը՝ միաժամանակ տրամադրելով ռազմավարություններ եւ առաջարկություններ՝ օգնելու երիտասարդ մասնագետներին ստեղծել առավել ներառական եւ բազմազան միջավայր իրենց կազմակերպություններում եւ երիտասարդների հետ աշխատանքում:

Ուսումնական մոդուլը բաղկացած է ուսումնական նյութեր, պրեզենտացիաներ, տեսանյութեր եւ վարժություններ պարունակող 12 դասից։ Դասերը մասնակիցներին ներկայացնում են արդարության, բազմազանության եւ ներառականության ընդհանուր սկզբունքները եւ օգնում են ճանաչել, հասկանալ եւ մշակել երիտասարդների աշխատանքը ավելի ներառական դարձնելու ուղիներ: Այն նաեւ լուծումներ եւ առաջարկներ է տալիս առ այն, թե ինչպես կարելի է ջատագովել եւ սկսել գործողությունների պլանավորում՝ նպաստելու Արեւելյան գործընկերության երկրների երիտասարդական համայնքներում ներառականությանը:

«InclusiON NOW! ներառական երիտասարդական աշխատանքի զարգացում Արեւելյան գործընկերության երկրներում» ծրագիրն իրականացվել է Արեւելյան գործընկերության երկրներում եւ Եվրոպական միությունում գործող 8 քաղաքացիական հասարակության կազմակերպություններից կազմված կոնսորցիումի կողմից: «Հայ առաջադեմ երիտասարդություն» ՀԿ-ի կողմից ղեկավարվող ծրագիրը օգտվել է ԱլԳ Քաղաքացիական հասարակության ֆորումի վերաֆինանսավորման ծրագրի աջակցությունից։ Վերջինս ֆինանսավորվում է Եվրոպական միության կողմից՝ տարածաշրջանի քաղաքացիական հասարակությանն ուղղված աջակցության շրջանակում:

Ուսումնական մոդուլը հասանելի է ներբեռնելու համար։

Իմացիր ավելին

Ուսումնական մոդուլ