Հայաստան. Եվրամիության ֆինանսավորմամբ իրականացվող ծրագիրը գործարար դասընթացներ է անցկացրել Տավուշի, Շիրակի եւ Լոռու մարզերից ֆերմերների համար

Տավուշի, Շիրակի և Լոռու մարզերից ֆերմերների հմտությունների բարելավմանն ուղղված ծրագիրը, որն իրականացվում էր ԵՄ «Կանաչ գյուղատնտեսության նախաձեռնություն Հայաստանում» (European Union-GAIA Armenia) ծրագրի շրջանակներում, ներկայացրել է իր գործունեության արդյունքները։

Վերապատրաստումների և դասընթացների արդյունքում EU-GAIA ծրագրի շուրջ 70 ֆերմերներ և ագրոբիզնեսներ՝ շահառու ոչխարաբույծներ, հատիկընդեղեն և խոտաբույս մշակող ֆերմերներ, յուրացրել են բիզնես պլանի մշակման, ֆինանսական մոդելավորման և ինքնարժեքի հաշվարկի գործընթացների գործնական մեթոդները։ Մասնակիցները մշակեցին և ներկայացրեցին իրենց ագրոբիզնեսների և ֆերմերային տնտեսությունների զարգացման պլանները։

«Գյուղատնտեսական արտադրության, ֆինանսների և բիզնես պլանի զարգացման» դասընթացը անցկացվել է Գյումրի և Դիլիջան քաղաքներում։ Այն իրականացվել է Ագրոբիզնեսի հետազոտությունների և կրթության միջազգային կենտրոնի (ICARE-Armenia) կողմից՝ ՄԱԿ-ի Զարգացման ծրագրի հետ համագործակցությամբ:

ԵՄ «Կանաչ գյուղատնտեսության նախաձեռնություն Հայաստանում» (EU-GAIA) ծրագիրը ֆինանսավորվում է Եվրոպական միության և համաֆինանսավորվում Ավստրիական զարգացման համագործակցության կողմից։ Ծրագիրը համատեղ իրականացվում է Ավստրիական զարգացման գործակալության և ՄԱԶԾ-ի կողմից։

Իմացիր ավելին

Մամուլի հաղորդագրություն