Եվրամիությունը եւ ՀՀ-ն ստորագրել են Հայաստանում Եվրոպական միության առաքելության կարգավիճակի մասին համաձայնագիրը
Նոյեմբերի 20-ին Հայաստանի Հանրապետությունն ու Եվրոպական միությունը ստորագրել են Հայաստանում Եվրոպական միության առաքելության (ՀԵՄԱ) կարգավիճակի մասին համաձայնագիրը։
Փաստաթուղթը ստորագրել են Հայաստանում ԵՄ պատվիրակության ղեկավար, դեսպան Վասիլիս Մարագոսը եւ ՀՀ ԱԳ փոխնախարար Պարույր Հովհաննիսյանը։
Այս համաձայնագրով կարգավորվում է ՀԵՄԱ իրավական կարգավիճակը:
Հայաստանում ԵՄ առաքելությունը Ընդհանուր անվտանգության եւ պաշտպանության քաղաքականության (ԸԱՊՔ) շրջանակում գործող ոչ գործադիր, անզեն քաղաքացիական անձնակազմ ունեցող դիտորդական առաքելություն է, որի նպատակն է Հայաստանում՝ Ադրբերջանի հետ միջազգային սահմանի երկայնքով դիտարկել եւ զեկուցել անվտանգության իրավիճակի մասին։ ՀԵՄԱ-ն նպաստում է Հայաստանի Հանրապետության հակամարտություններից տուժած տարածքներում մարդկանց անվտանգությանը, ինչպես նաեւ ուղղված է Հայաստանի եւ Ադրբեջանի միջեւ վստահության ամրապնդմանը:
Առաքելությունը տեղակայվել է 2023 թվականի փետրվարի 20-ին երկու տարի ժամկետով եւ ունի 103 անձից բաղկացած միջազգային անձնակազմ, այդ թվում՝ ԵՄ փորձագետներ ու դիտորդներ ԵՄ անդամ պետություններից։
Իմացիր ավելին
ԱՄԵՆԱԿԱՐԴԱՑԱԾ
ԱՌՆՉՎՈՂ ԹԵՄԱՆԵՐ
ԵՄ-ն մեկնարկում է Հայաստանի վիզաների ազատականացումը խթանող 2.2 մլն եվրոյի ծրագիրը
ՎԶԵԲ-ը 2026-ին եւ 2027-ին Հայաստանի ՀՆԱ 5,5% աճ է կանխատեսում
Օգնիր EU4Green Recovery East-ին բարելավել իր հաղորդակցությունը
Ֆոն դեր Լայեն. Եվրոպական միությունը Հայաստանի համար նախապատրաստում է 50 միլիոն եվրոյի աջակցության փաթեթ՝ Ռուսաստանի կողմից արտահանման սահմանափակումներից հետո
Հայաստանում ԵՄ պատվիրակությունը հայտարարել է Եվրոպական ֆիլմերի փառատոնի աշխատարանի հաղթողներին
Սույն կայքում առկա տեղեկատվությունը կարգավորվում է պատասխանատվության սահմանափակման և անձնական տվյալների պաշտպանության մասին դրույթներով:
© European Union,
