Երեւանում մեկնարկել է ԵՄ-Հայաստան մուտքի արտոնագրերի ազատականացման շուրջ երկխոսության գործառնական փուլը
Դեկտեմբերի 11-ին Երեւանում կայացել է ԵՄ-Հայաստան մուտքի արտոնագրերի ազատականացման շուրջ երկխոսության գործառնական փուլի շրջանակում բարձրաստիճան պաշտոնյաների հանդիպում՝ Եվրոպական հանձնաժողովի Միգրացիայի եւ ներքին գործերի գլխավոր տնօրենի տեղակալ Յոհաննես Լուխների եւ ՀՀ ներքին գործերի նախարար Արփինե Սարգսյանի գլխավորությամբ:
Հանդիպման ընթացքում քննարկում է ծավալվել մուտքի արտոնագրերի ազատականացման գործընթացում վճռորոշ նշանակություն ունեցող, այն է՝ փաստաթղթերի անվտանգության, սահմանների եւ միգրացիայի կառավարման, շարժունակության եւ ապաստանի, կոռուպցիայի եւ կազմակերպված հանցավորության դեմ պայքարի, մարդու հիմնարար իրավունքների պաշտպանության ոլորտներում իրականացվող բարեփոխումների շուրջ։ Անդրադարձ է կատարվել նաեւ նախատեսված բարեփոխումների իրականացման հարցում ԵՄ-ի հետագա աջակցությանը։
Կողմերը հաստատել են, որ գործընթացը բովանդակային է եւ չկա այն ավարտելու մեխանիկական վերջնաժամկետ։
Բարձրաստիճան պաշտոնյաները համաձայնել են, որ մուտքի արտոնագրերի ազատականացման գործընթացում հաջորդ քայլերը կլինեն 2025 թվականին երկու պաշտոնական առաքելությունները, որոնց շրջանակում ԵՄ կառույցների համապատասխան փորձագետները կիրականացնեն առկա խնդիրների վերլուծություն։ Նշված առաքելությունները կնպաստեն համապատասխան հենանիշների ցանկի սահմանմանը, ինչն անհրաժեշտ է հեռանկարում ՀՀ քաղաքացիների համար ԵՄ մուտքի արտոնագրերի ազատականացման հասնելու համար։
Իմացիր ավելին
ԱՄԵՆԱԿԱՐԴԱՑԱԾ
ԱՌՆՉՎՈՂ ԹԵՄԱՆԵՐ
YEA10. Երիտասարդ եվրոպական դեսպանները տոնում են կապի, ոգեշնչման եւ փոփոխությունների տասնամյակը
ՎԶԵԲ-ը, ԵՄ-ն եւ ԱրմՍվիսԲանկն աջակցում են Հայաստանում փախստականներին եւ երիտասարդներին
Հայաստան. ԵՄ խորհուրդը նշանակել է Եվրոպական միության գործընկերության առաքելության ղեկավար
Եվրոպական միություն. «Մենք ակնկալում ենք շարունակել մեր սերտ համագործակցությունը Հայաստանի ապագա կառավարության եւ խորհրդարանի հետ»
ԵՄ բարձրաստիճան պաշտոնյաները շնորհավորել են Նիկոլ Փաշինյանին՝ խորհրդարանական ընտրություններում հաղթանակի առթիվ
Սույն կայքում առկա տեղեկատվությունը կարգավորվում է պատասխանատվության սահմանափակման և անձնական տվյալների պաշտպանության մասին դրույթներով:
© European Union,
