ԵՄ-ն աջակցում է Հայաստանում միջազգային վավերագրական կինոփառատոնի անցկացմանը

Հայաստանում Եվրոպական միության պատվիրակության աջակցությամբ Դեբեդ համայնքում կայացել է «Ծիրանի ծառ» 11-րդ միջազգային վավերագրական կինոփառատոնը։

Փառատոնի բացումը տեղի է ունեցել օգոստոսի 30-ին, իսկ փակումը՝ սեպտեմբերի 6-ին։ Ծրագիրը բաղկացած էր 10 կարճամետրաժ եւ 10 լիամետրաժ ֆիլմերից։ Եվս վեց ֆիլմ ներառված էր հատուկ ցուցադրություններում։

«Փառատոնը միավորում է կինոգործիչներին ու տեղացիներին՝ հյուրընկալության, երկխոսության եւ համատեղ ստեղծագործության ոգով՝ գյուղական միջավայրը վերածելով վավերագրական պատմասացության համաշխարհային բեմի։ Եվրամիությունը hպարտությամբ աջակցում է մշակութային փոխանակմանը, ազատ արտահայտությանը եւ տարբեր ձայներ ունեցող կինոգործիչներին, ովքեր ներշնչում են սահմաններից այն կողմ ձգվող զրույցներ», — ասվում է Հայաստանում ԵՄ պատվիրակության ֆեյսբուքյան գրառման մեջ։

2015 թվականին հիմնադրված «Ծիրանի ծառ» միջազգային վավերագրական կինոփառատոնն ամենամյա միջոցառում է, որի բոլոր միջոցառումներն անցկացվում են Հայաստանի տարբեր գյուղերում՝ «Ֆիլմադարան» կինոմշակույթի զարգացման ՀԿ-ի կողմից։

Իմացիր ավելին

Մամուլի հաղորդագրություն