Հունիսի 10-ին Սյունիքի մարզի Խոտ գյուղում կայացել է «Ոչխարների խուզման» 6-րդ փառատոնը, որը կազմակերպվել է ԵՄ աջակցությամբ։
Փառատոնը Հայաստանում անց է կացվում 2014 թվականից։ Փառատոնի նպատակն է առավել ճանաչելի դարձնել ՀՀ Սյունիքի մարզի տեղական արտադրանքը, ավանդույթներն ու մշակույթը, ինչպես նաեւ նպաստել մարզում զբոսաշրջության զարգացմանը, մշակութային կյանքի ակտիվացմանը։ Այն նաեւ հնարավորություն է ընձեռում զբոսաշրջության եւ հյուրընկալության ոլորտում ներգրավված անձանց հավելյալ եկամուտ վաստակել:
Տաղավարներում ներկայացված էր գյուղմթերք, ձեռագործ աշխատանքներ եւ Սյունիքի մարզին բնօրոշ այլ բարիքներ։ ՀՀ Սյունիքի մարզի 5 խոշորացված համայնք՝ Գորիս, Տեղ, Կապան, Սիսիան եւ Տաթեւ, ներկայացված էին տաղավարներով։
ՄԱԿ-ի Զարգացման ծրագրի (ՄԱԶԾ) աջակցությամբ ԵՄ «Կանաչ գյուղատնտեսության նախաձեռնություն Հայաստանում» (EU-GAIA) ծրագրի երեք շահառու՝ «ՄԱՔԻ» տոհմային ոչխարաբուծության գենետիկ կենտրոնը, «Գյումրու կաշվի եւ մորթու վերամշակման արտադրամաս»-ը եւ «Բալահովիտ ուսումնափորձնական տնտեսություն» տոհմային ոչխարաբուծական ֆերման իրենց տաղավարներում ներկայացրեցին իրենց գործունեությունն ու արտադրանքը։
ԵՄ «Կանաչ գյուղատնտեսության նախաձեռնություն Հայաստանում» (EU-GAIA) ծրագիրը ֆինանսավորվում է Եվրոպական միության եւ համաֆինանսավորվում Ավստրիական զարգացման համագործակցության կողմից։ Ծրագիրը համատեղ իրականացվում է Ավստրիական զարգացման գործակալության եւ ՄԱԶԾ-ի կողմից։
Իմացիր ավելին
Այլ տեղեկատվական արշավներ:
Հետաքրքրվա՞ծ եք վերջին նորություններով ու հնարավորություններով
Այս կայքը կառավարվում է 2020-2024թթ. համար Եվրամիության կողմից ֆինանսավորվող Արևելյան հարևանության տարածաշրջանային հաղորդակցության ծրագրի («ԵՄ արևելյան հարևաններ») կողմից: Ծրագիրը լրացնում և աջակցում է գործընկեր երկրներում ԵՄ պատվիրակությունների հաղորդակցական գործունեությանն ու աշխատում է Եվրոպական հանձնաժողովի Հարևանության քաղաքականության և ընդլայնման բանակցությունների գլխավոր տնօրինության ու ԵՄ արտաքին գործողությունների ծառայության ղեկավարության ներքո: Ծրագիրն իրականացնում է GOPA PACE-ի գլխավորած կոնսորցիումը:
Սույն կայքում առկա տեղեկատվությունը կարգավորվում է պատասխանատվության սահմանափակման և անձնական տվյալների պաշտպանության մասին դրույթներով:
© European Union,