AZƏRBAYCAN RESPUBLİKASININ MİLLİ QANUNVERİCİLİK VƏ DÖVLƏT SİYASƏTİNİN GENDER ASPEKTİNİN QİYMƏTLƏNDİRİLMƏSİ ÜZRƏ HESABAT

Bu qiymətləndirmə Azərbaycanda cins seçiminə birbaşa və ya dolayısı ilə əsas verən, habelə gender bərabərsizliyinin dərinləşməsinə yol açan səbəblərin aşkarlanması üçün aşağıdakı üç prioritet sahə üzrə keçirilib: 

1. Qadınların mülkiyyət və miras hüquqları: de-yure və de-fakto bərabərlik arasındakı boşluqlar. Bu prioritet sahə üzrə aparılan qiymətləndirmədə qadınların ailədəki əmlak və vərəsəlik hüquqları, yaşayış yeri üzrə qeydiyyatı və ad/soyad, habelə bu sahələrə aid hüquqi tənzimləmə və onun icrası məsələləri əhatə edilib;

 2. Qadınların məşğulluq və özünüməşğulluqda iştirakı: çətinliklər və imkanlar. Qiymətləndirmə zamanı karyera inkişafında qeyri-bərabərlik (o cümlədən gender əsaslı ayrıseçkilik və seksual qısnama), valideyn məzuniyyəti siyasəti, qadınların sahibkarlıqda iştirakı, dövlət dəstəyi və imtiyazlardan istifadə, onların təhsili və yüksək gəlirli peşə sahələrinə yönləndirilməsi kimi vacib məsələlər tədqiq edilib; 

3. Sosial müdafiə: gender məsələləri. Bu istiqamət üzrə əsasən pensiya və icbari tibbi sığorta siyasəti, yaşlı əhali üçün ayrıca imtiyazlara (ictimai nəqliyyatdan pulsuz istifadə, kommunal xidmətlərdə güzəştlər və s. məsələlər) xüsusi diqqət yetirilərək, sosial müdafiə sistemlərində cins seçiminə birbaşa və ya dolayısı ilə əsas verən və gender bərabərsizliyinin dərinləşməsinə yol açan məqamlar araşdırılıb.

BMT-nin Əhali Fondu (UNFPA), 2020-ci il