EU4Energy proqramının Azərbaycandakı fəaliyyəti 

Avropa İttifaqı tərəfindən maliyyələşdirilən EU4Energy proqramı Azərbaycan ilə 2016-cı ildən etibarən əməkdaşlıq edir və bu ölkənin qanunvericilik və tənzimləyici bazalarının gücləndirilməsinə kömək edərək məlumatların və statistikanın keyfiyyətinin artırılmasını və dəlillərə əsaslanan siyasətlərin hazırlanmasını dəstəkləyir. Bu məlumat bülletenində Azərbaycanda siyasətlərin, qanunvericiliyin və statistikanın hazırlanması istiqamətində əldə olunan əhəmiyyətli irəliləyişlərdən bəhs edilir. Beynəlxalq Enerji Agentliyi, Enerji Xartiyası və Enerji İcması Katibliyi gələcəkdə bu ölkənin enerji təhlükəsizliyi, dayanıqlı enerji sektoru və enerji bazarının əsasını qoymağı planlaşdırır.