რეპორტაჟები COVID-19-ის შესახებ: უსაფრთხოება

ამ კურსის საშუალებით გაიგებთ, თუ როგორ უზრუნველყოთ საკუთარი, თქვენი თანამშრომლების და იმ ადამიანების უსაფრთხოება, რომლებსაც ხვდებით პანდემიის, კერძოდ, Covid-19-ის საკითხზე მუშაობის პროცესში. თქვენ გაეცნობით ინტერვიუს ჩატარების და ინფორმაციის შეკრების მეთოდებს იმ პირობებში, როდესაც გადაადგილებაზე და ადამიანებთან ურთიერთობებზე დაწესებული შეზღუდვები უამრავ პრობლემას უქმნის ჟურნალისტებს.

კურსი ეყრდნობა წარსული ეპიდემიების, მაგ. სარსის და ებოლას შესახებ გაკეთებული რეპორტაჟების გამოცდილებას და მოიცავს საუკეთესო პრაქტიკულ მაგალითებს, რომლებიც Covid-19-ის საკითხზე მომუშავე ჟურნალისტებმა და მედია-კომპანიებმა შეიმუშავეს. თქვენს დასახმარებლად მოცემულია სხვადასხვა სახის სავარჯიშოები. ამ კურსის საშუალებით თქვენ, თქვენი კოლეგები, მეგობრები და ოჯახი შეძლებთ დაიცვათ საკუთარი უსაფრთხოება, და ასევე უსაფრთხოდ გააგრძელოთ მუშაობა იმ პერიოდში, როდესაც მოსახლეობა თქვენგან რეგულარული ინფორმაციის მიღებას მოელის.