ევროკავშირის მერ დაფინანსებული სამოქალაქო საზოგადოების სტიპენდიების მისაღებად განაცხადების მიღება დაიწყო

აღმოსავლეთ პარტნიორობის სამოქალაქო საზოგადოების მექანიზმმა ევროკავშირის მიერ დაფინანსებული სასტიპენდიო პროგრამის ახალი კონკურსი გამოაცხადა.

სტიპენდიები განკუთვნილია აზერბაიჯანში, ბელარუსში, მოლდოვაში, საქართველოში, სომხეთსა და უკრაინაში მცხოვრები აქტივისტებისა და სამოქალაქო აზროვნების მქონე პირებისთვის, რომელთაც თავიანთ საზოგადოებებში დადებითი ცვლილებების შეტანა და რეფორმებში მონაწილეობა სურთ.  

2024 წლის სასტიპენდიო კოჰორტისთვის წლის თემებია საკუთარი ქვეყნის ფარგლებში იძულებით გადაადგილებული პირების (IDPs) მხარდაჭერა და სამოქალაქო საზოგადოების ორგანიზაციების ანგარიშვალდებულებისა და მოქალაქეებთან კავშირის გაუმჯობესება. 

შერჩეულ კანდიდატებს ჩაუტარდებათ ინდივიდუალური ტრენინგები, გადაეცემათ 5,000 ევრო მიზნების მისაღწევად და მიეცემათ საქმიანი კავშირების დამყარების შესაძლებლობა. მათ ასევე მიეცემათ უფლება, გახდნენ აღმოსავლეთ პარტნიორობის სამოქალაქო საზოგადოების მექანიზმის სტიპენდიატთა ქსელის წევრები. 

კონკურსის ფარგლებში გაიცემა ორი სახის სტიპენდიები: სამოქალაქო ჩართულობის სტიპენდიები და ციფრული სამოქალაქო სტიპენდიები. ეს უკანასკნელი  განკუთვნილია საინფორმაციო ტექნოლოგიების ისეთი ექსპერტებისთვის, როგორებიც არიან ინჟინერ-პროგრამისტები, მონაცემთა დამუშავების სპეციალისტები და დიზაინერები, რომლებიც საინფორმაციო ტექნოლოგიებს საზოგადოების საკეთილდღეოდ იყენებენ.

კონკურსში მონაწილეობა შეუძლიათ აღმოსავლეთ პარტნიორობის ქვეყნების მოქალაქეებს, რომელთაც უკვე შეუსრულდათ 18 წელი და კარგად იციან ინგლისური ენა.

განაცხადების შეტანის ბოლო ვადაა 2023 წლის 27 დეკემბერი.

დამატებითი ინფორმაცია

პრესრელიზი