ქალთა ეკონომიკური გაძლიერება საქართველოში

ბროშურა მომზადებულია გაეროს ქალთა ორგანიზაციის პროექტის „ქალთა გაძლიერებული ლიდერობა დემოკრატიისთვის საქართველოში (WILD)” ფარგლებში, შვეიცარიის განვითარებისა და თანამშრომლობის სააგენტოს მხარდაჭერით. დოკუმენტი წარმოადგენს ქალთა ეკონომიკური გაძლიერების მდგომარეობის მოკლე ანალიზს საქართველოში და ეფუძნება 2023 წლის ქვეყნის გენდერული თანასწორობის პროფილსა და სხვა მნიშვნელოვან კვლევებს. მიუხედავად იმისა, რომ ქალებსა და მამაკაცებს აქვთ თანაბარი წვდომა უმაღლეს განათლებაზე და ქალები ხშირად აღწევენ უკეთეს შედეგებს, ეს მიღწევები არ აისახება ქალების ეკონომიკურ გაძლიერებაში. ბროშურა ხაზს უსვამს იმ სისტემურ ბარიერებს, რაც ხელს უშლის ქალების სრულფასოვან ჩართულობას შრომის ბაზარზე, ხელმძღვანელ პოზიციებზე, მეწარმეობაში, თანაბარ ანაზღაურებასა და ფინანსურ რესურსებზე წვდომაში. პუბლიკაცია მონაცემებზე დაყრდნობით წარმოაჩენს იმ სტრუქტურულ უთანასწორობებს, რომლებიც უნდა გადაიჭრას გენდერული თანასწორობის მისაღწევად ეკონომიკურ სფეროში.