ქალებისა და გოგოების მიმართ ძალადობა საქართველოში: კანონმდებლობა, მექანიზმები და სერვისები

ეს საინფორმაციო ბროშურა მიმოიხილავს ქალებისა და გოგონების მიმართ ძალადობის (VAWG) პრობლემატიკას საქართველოში, ყურადღებას ამახვილებს სამართლებრივ ჩარჩოზე, ინსტიტუციურ მექანიზმებსა და არსებული მომსახურებების სისტემაზე. პუბლიკაცია ეფუძნება 2023 წლის ქვეყნის გენდერული თანასწორობის პროფილის მონაცემებს და აღწერს არსებულ მიღწევებსა და გამოწვევებს, მათ შორის ოჯახში ძალადობის, სექსუალური ძალადობისა და ფემიციდის წინააღმდეგ ბრძოლაში. დოკუმენტი ხაზს უსვამს საქართველოს ძალისხმევას ქალების, მშვიდობისა და უსაფრთხოების დღის წესრიგის ფარგლებში. პუბლიკაცია მომზადდა გაეროს ქალთა ორგანიზაციის პროექტის – „ქალთა ლიდერობის ზრდა დემოკრატიისთვის“ ფარგლებში შვეიცარიის განვითარებისა და თანამშრომლობის სააგენტოს მხარდაჭერით.