“და ვინჩი” საქართველოდან – თვალის კლინიკის ამბიციური გეგმები

“და ვინჩი” საქართველოდან – თვალის კლინიკის ამბიციური გეგმები

მარტი 7, 2019

“ ლეონარდო და ვინჩი ერთ-ერთი პირველი იყო, ვინც თითქმის სრული სიზუსტით აღწერა თვალის ანატომია და ოპტიკური სისტემა მეთხუტმეტე საუკუნეში. გარდა ამისა ის ყველაზე დიდ ინოვატორად მოიაზრება თანამედროვე მეცნიერებაში და არა მხოლოდ”, – ასე პასუხობს თბილისში მდებარე თვალის კლინიკის დირექტორი თეკლა მამაგეიშვილი კითხვას, თუ რატომ ჰქვია კლინიკას დავინჩი.

ის დარწმუნებულია, რომ  “დავინჩი” სამხრეთ კავკასიის  რეგიონში ლიდერი იქნება ოფთალმოლოგიური ინოვაციების დანერგვაში.

პირდაპირი ვიდეო სტრიმინგი თვალის ქირურგიული ოპერაციიდან, ოპერაციები თანამედროვე 3D ტექნოლოგიის გამოყენებით – ეს არასრული ჩამონათვალია იმ მიღწევების, რომელსაც მამაგეიშვილი კლინიკის წარმატებად მიიჩნევს.

“დაგროვილმა გამოცდილებამ და ჯგუფურმა მიზანსწრაფვამ, წარმოშვა უფრო ამბიციური იდეა, შეგვექმნა ახალი და გაცილებით ინოვაციური ოფთალმოლოგიის საერთაშორისო ცენტრი,”- ამბობს თეკლა მამაგეიშვილი. კლინიკა თვალის კვლევითი ინსტიტუტის ჩამოყალიბებას აპირებს.

მანამდე კი “და ვინჩის” შენობაში პაციენტების რიგია. კლინიკას ყოველდღიურად ათეულობით პაციენტი მიმართავს.

  • director and doctor of the clinic davinci tekla mamageishvili examining patient
    Tekla Mamageishvili, Director of a Tbilisi-based eye clinic, examines her patient
  • tekla mamageishvili and her assistant examining patients
    Tekla Mamageishvili, Director of a Tbilisi-based eye clinic, examines her patient
  • tekla mamageishvili examines patient aleksandre nadashvili
    Tekla Mamageishvili, Director of a Tbilisi-based eye clinic, examines her patient
  • tekla mamageishvili and nika kacharava are getting ready for a planned surgery in the clinic 0
    Tekla Mamageishvili and Nika Kacharava before surgery
  • modern technology of davinci which looks like wall e from the cartoon
    Clinic equipment

“დავინჩის” მთავარი გამოწვევა დღეს სწორედ პაციენტთა მომსახურების ოპერატიულობის გაზრდა და რეფრაქციული ქირურგიის მიმართულებით განვითარებაა. ბევრი პაციენტი მოგვმართავდა და მივხვდით, რომ შეიძლებოდა გვქონოდა ადამიანური რესურსისა და ტექნიკურ-პროგრამული უზრუნველყოფის კრიზისი”, – ამბობს მამაგეიშვილი. მისი თქმით, EBRD-ის პროგრამა   “ქალები ბიზნესში” კომპანიის საქმიანობის სტრატეგიულ დაგეგმვასა და ფინანსური რესურსების მოზიდვის მიმართულებაში დაეხმარა.

პროგრამა, რომელსაც მამაგეიშვილი ახსენებს, ევროკავშირისა და შვედეთის დაფინანსებული EBRD-ის სპეციალური პროექტია, რომელიც ეხმარება ქალების მიერ მართულ მცირე და საშუალო საწარმოებს ფინანსებზე წვდომის და იმ ნოუ-ჰაუს მიღებაში რაც სჭირდებათ თავიანთი ზრდისთვის.

EBRD “დავინჩთან” 2016 წლიდან თანამშრომლობდა, რაც კომპანიის მენეჯმენტის მხარდაჭერას ითვალისწინებდა საკონსულტაციო მომსახურებით, რადგან კლინიკა გაფართოებისათვის ემზადებოდა. კომპანიას პროექტის მიზანშეწონილობის (feasibility) კვლევა და საინვესტიციო გეგმა ესაჭიროებოდა.

“ქალები ბიზნესში” დაგვეხმარა  კომპანიის საქმიანობის სტრატეგიულ დაგეგმვასა და ფინანსური რესურსების მოზიდვის მიმართულებით, რისთვისაც მადლიერები ვართ”, – ამბობს კლინიკის დირექტორი და დასძენს, რომ უკვე მოიძიეს მიწის ნაკვეთი თბილისის ერთ-ერთ ცენტრალურ უბანში, სადაც ახალ კლინიკას საკუთარი კაპიტალით და ბანკიდან მოძიებული სესხით ააშენებენ. 

  • after a surgery. on the picture tekla mamageishvili nikoloz lobauri ana vachiberidze tamar sulkhanishvili nika kacharava and luka sabanadze
    Tekla Mamageishvili and her colleagues after successful eye surgery
  • tekla mamageishvili says that the clinic is equiped with modern technologies although expanding the clinic is necessary to reach the ambitious goals1
    Tekla says that her clinic is equipped with modern technologies.

“პროექტმა “ქალები ბიზნესში” გამოცდილი საკონსულტაციო კომპანიის სერვისებით სარგებლობის შესაძლებლობა მოგვცა. მათ შეაფასეს კლინიკის მიმდინარე ღირებულება და მოამზადეს განვითარების გეგმა საპროგნოზო ფინანსური რეპორტებით, რომელიც გამოვიყენეთ საჭირო თანხის მოსაზიდად. ჩვენ გავატარეთ რეკომენდირებული ღონისძიებები ორგანიზაციული და მარკეტინგული კუთხით, რამაც შემოსავლების მნიშვნელოვანი სტაბილიზაცია გამოიწვია, საკონსულტაციო პროექტის ფარგლებში მიღებული ბიზნესის გეგმით კი საკმაოდ დაბალფასიანი საბანკო სესხი ავიღეთ.”

“დავინჩის”  დირექტორი ამბობს, რომ პაციენტების მომსახურების გარდა მათი მიზანია საქართველოში და საზღვარგარეთ მოღვაწე კოლეგებსაც დაეხმაროს ცოდნის გაღრმავებაში.

დავინჩის დირექტორი ამბობს, რომ  ყოველ ოთხშაბათს მართავენ სემინარებს როგორც ოფთალმლოგიაში, ასევე სხვა მედიცინის საბაზისო საგნებში  და საბოლოო ჯამში  ეს ყველაფერი აისახება პაციენტის ჯანმრთელობაზეო.

გიორგი დიასამიძე

Article published in Georgian by Netgazeti.ge



გაინტერესებთ უკანასკნელი ცნობები და შესაძლებლობები?

ამ ვებსაიტს მართავს ევროკავშირის მიერ დაფინანსებული აღმოსავლეთ სამეზობლოს რეგიონული საკომუნიკაციო პროგრამა („EU NEIGHBOURS east“) 2020-2024. ეს პროგრამა ავსებს და მხარს უჭერს ევროკავშირის წარმომადგენლობების კომუნიკაციას აღმოსავლეთ პარტნიორობის ქვეყნებში; ის მოქმედებს სამეზობლო პოლიტიკის და გაფართოებაზე მოლაპარაკებების საკითხებში ევროკომისიის გენერალური დირექტორატის და ევროპული საგარეო ქმედებათა სამსახურის ხელმძღვანელობით. პროგრამას ახორციელებს კომპანიის B&S ევროპის კონსორციუმი.

ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით.
© European Union,