«Քաղաքապետերի դաշնագիր՝ Արեւելք» նախաձեռնությունը մեկնարկում է մրցույթ ԱլԳ երկրների՝ կայուն զարգացման ուղին բռնած համայնքների համար

«Քաղաքապետերի դաշնագիր` Արեւելք» (CoM East) նախաձեռնությունը նշում է իր 15-ամյակը՝ մեկնարկելով ազգային մրցույթ՝ ճանաչման արժանացնելու ցածր ածխածնային եւ դիմակայուն զարգացման ճանապարհին առաջատար համայնքներին:

Մրցույթը բաց է Արեւելյան գործընկերության երկրներում (Հայաստան, Ադրբեջան, Մոլդովա եւ Ուկրաինա) Դաշնագրին անդամակցող բոլոր ակտիվ համայնքների համար: Ցանկացած չափի համայնք կարող է մասնակցել մրցույթին, սակայն յուրաքանչյուրը կարող է ներկայացնել միայն մեկ հայտ: Դիմորդները պետք է ունենան մշակված Կայուն էներգետիկ զարգացման եւ կլիմայի պահպանության գործողությունների ծրագիր:

Հաղթողները կհայտարարվեն 2026 թվականի մայիսի 20-ին Քիշնեւում (Մոլդովա) կայանալիք համաժողովում: Վկայականներից բացի, հաղթողները «Քաղաքապետերի դաշնագիր` Արեւելք» ծրագրի միջոցով ձեռք են բեում ճանաչում եւ կարող են ստանալ մինչեւ 1000 եվրոյի չափով դրամաշնորհ հետագա «կանաչ» գործողությունների համար, ինչպիսիք են ծառատունկը կամ տեղական իրազեկման արշավները:

Հավասարակշռված ներկայացվածությունն ապահովելու համար Հայաստանից եւ Ադրբեջանից սպասվում է մեկական հաղթող, Մոլդովայից՝ երկու, իսկ Ուկրաինայից՝ չորս (երկու մրցանակ խոշոր համայնքների համար եւ երկուսը՝ միջին/փոքր համայնքների համար): Տարածաշրջանից կարող են ընտրվել եւս երկու հաղթող՝ կախված դիմումների քանակից եւ որակից:

Դիմումները պետք է ներկայացվեն մինչեւ 2026 թվականի ապրիլի 10-ը։

«Քաղաքապետերի դաշնագիր` Արեւելք»-ը (CoM East) ԵՄ կողմից ֆինանսավորվող նախագիծ է, որի նպատակն է Արեւելյան գործընկերության երկրներին ներկայացնել ԵՄ կլիմայի եւ էներգետիկայի նախաձեռնությունը։

Իմացիր ավելին

Մամուլի հաղորդագրություն

Հայերեն դիմումի ձեւ