Հայաստանից, Ադրբեջանից, Վրաստանից, Մոլդովայից եւ Ուկրաինայից երիտասարդ շրջանավարտները հրավիրվում են միանալու Եվրոպայի խորհրդի կրտսեր մասնագետների ծրագրին

Եվրոպայի խորհրդի կրտսեր մասնագետների ծրագիրը փնտրում է ծրագրի կրտսեր մասնագետի՝ Ստրասբուրգի իր քարտուղարությունում աշխատելու համար:

Դիմելու համար հրավիրվում են մինչեւ 35 տարեկան երիտասարդ շրջանավարտները, ովքեր հետաքրքրված են միջազգային հարաբերություններով եւ լավ տիրապետում են անգլերենին կամ ֆրանսերենին: Թեկնածուն պետք է լինի Եվրոպայի խորհրդի անդամ երկրներից մեկի քաղաքացի, որոնց թվում են Հայաստանը, Ադրբեջանը, Վրաստանը, Մոլդովան եւ Ուկրաինան։

Եվրոպայի խորհուրդը բազմաթիվ համագործակցության ծրագրեր է իրականացնում Եվրամիության անդամ երկրներում, ինչպես նաեւ հարեւան ոչ անդամ պետություններում: Դրանք իրականացվում են՝ օգնելու երկրներին հասնել մարդու իրավունքների, օրենքի գերակայության եւ ժողովրդավարության ոլորտներում Եվրոպայի խորհրդի չափանիշներին:

Որպես ծրագրի կրտսեր մասնագետ՝ դուք կնպաստեք մարդու իրավունքների, ժողովրդավարության եւ օրենքի գերակայության ոլորտներում համագործակցության միջոցառումների նախապատրաստմանը եւ մեկնարկին, ինչպես նաեւ համագործակցության ծրագրերի ամենօրյա իրականացմանը՝ աջակցելով միջոցառումների եւ միջոցառումների կազմակերպմանը:

Կրտսեր մասնագետների ծրագիրը Եվրոպայի խորհրդի դռները բացում է իրենց կարիերայի մեկնակետում գտնվող մասնագետների համար` նրանց հնարավորություն տալով համաեվրոպական այս հաստատության հետ աշխատելու փորձ ձեռք բերել: Դուք կօգտվեք փորձառու անձնակազմի հետ կանոնավոր աշխատանքային շփումներից, կաջակցեք ավագ գործընկերներին իրենց ամենօրյա աշխատանքում եւ կօգտվեք Եվրոպայի խորհրդի վերապատրաստման ծրագրից, ինչպես նաեւ կխորացնեք Կազմակերպության մասին ձեր գիտելիքները:

Դիմումների ընդունման վերջնաժամկետն է մայիսի 30-ը:

Իմացիր ավելին