Եվրոպական թվային հմտությունների մրցանակ 2026. դիմումներն ընդունվում են մինչեւ մարտի 20-ը

Եվրոպական միության կողմից ֆինանսավորվող Թվային հմտությունների եւ աշխատատեղերի հարթակը հայտարարում է 2026 թվականի Թվային հմտությունների մրցանակաբաշխության (Digital Skills Awards) անցկացման մասին։

2026 թվականի մրցանակաբաշխության շրաջանակում սահմանվել է հինգ անվանակարգ՝

• Թվային հմտությունների կատարելագործում @ Աշխատանք. տարբեր ոլորտներում, այդ թվում՝ ՓՄՁ ոլորտում մասնագետների որակավորման բարձրացման եւ վերորակավորման ուղղվածությամբ նախագծեր նպաստելով՝ ՏՏ մասնագետների աշխատանքի տեղավորմանը։
• Թվային հմտություններ՝ կրթության համար. դասավանդողների եւ (կամ) սովորողների, ՄԿՈՒ մատակարարների, դպրոցների եւ վարչակազմերի թվային հմտությունների կատարելագործմանն ուղղված նախագծեր։
• Սոցիալական ներառում թվային աշխարհում. մեկուսացման վտանգի տակ գտնվող խոցելի եւ մարգինալացված խմբերի համար թվային ուսուցում, մեդիագրագիտություն եւ հասանելիության հմտություններ ապահովող նախագծեր։
• Կանայք ՏՀՏ ոլորտում. ՏՀՏ ոլորտում կանանց ներկայացվածության մեծացմանն ուղղված նախագծեր, որոնք աջակցում են աշխատուժի որակավորման բարձրացմանը եւ ոգեշնչում աղջիկներին սկսելու տեխնոլոգիական կարիերա։
• Կիբերանվտանգության հմտություններ. քաղաքացիների եւ ՓՄՁ-ների կիբերանվտանգության հմտությունների զարգացմանն ուղղված նախագծեր։

Մրցույթը բաց է պետական ​​հաստատությունների, մասնավոր ձեռնարկությունների, ակադեմիական հաստատությունների, տեղական նախաձեռնությունների կամ ԵՄ կողմից ֆինանսավորվող նախագծային կոնսորցիումների համար: Նախագիծը կամ նախաձեռնությունը պետք է լինի ընթացիկ, որն արդեն իսկ հասել է իր նպատակների առնվազն կեսին կամ ավարտվել է ոչ շուտ, քան 2025 թվականի հունվարին:

Նախագիծը կամ նախաձեռնությունը պետք է իրականացվի առնվազն մեկ ԵՄ անդամ պետությունում: Կարող են դիմել նաեւ ԵՄ անդամ չհանդիսացող երկրներում իրականացվող նախագծեր, սակայն դրանք պետք է ցույց տան իրենց ազդեցությունը ԵՄ անդամ պետություններում:

Դիմումների ընդունման վերջնաժամկետը մարտի 20-ն է։

Իմացիր ավելին

Մամուլի հաղորդագրություն