Եվրոպական համերաշխության կորպուս. երկարաժամկետ կամավորական գործունեություն Գերմանիայում

Գերմանական Աշաֆենբուրգ քաղաքում գործող «JUKUZ» կենտրոնը հրավիրում է սպորտով հետաքրքրված և երիտասարդների հետ աշխատող երիտասարդ կանանց՝ 52 շաբաթով` 2022 թվականի հոկտեմբերի 1-ից մինչև 2023 թվականի սեպտեմբերի 30-ն ընկած ժամանակահատվածում, միանալու իր թիմին:

Կամավորը կաջակցի բոլոր տեսակի սպորտային միջոցառումներին, երիտասարդական գործողություններին և փոխանակումներին: Բացի մարզական նախագծերից, կենտրոնն առաջարկում է նաև երիտասարդների համար նախատեսված մի շարք տարբեր միջոցառումներ, օրինակ՝ երիտասարդական ռադիո, աշխատանք ԶԼՄ-ների հետ և երաժշտական նախագծեր:

Դուք կունենաք ձեր սեփական սենյակը՝ ընդհանուր սանհանգույցով և խոհանոցով։ Կեցության, ինչպես նաև սննդի հետ կապված բոլոր ծախսերը հոգում է հյուրընկալող կազմակերպությունը: JUKUZ-ը կտրամադրի նաև հեծանիվ՝ Աշաֆենբուրգում շրջելու համար:

Սույն հրավերը բաց է Արևելյան գործընկերության բոլոր երկրների թեկնածուների համար:

Իմացիր ավելին

Մամուլի հաղորդագրություն