«EU4 Independent Media» ծրագիրը Արեւելյան գործընկերության երկրներում հայտարարում է բովանդակության ստեղծման աջակցության մրցույթ

«ԵՄ-ն անկախ լրատվամիջոցների համար» (EU4 Independent Media) ծրագիրը հայաստանյան լսարանի համար անկախ մեդիա բովանդակության ստեղծմանն աջակցելու նպատակով ընդունում է հայտեր:

Բովանդակության ստեղծմանն աջակցելու ծրագրի ընդհանուր նպատակն է օժանդակել Հայաստանում բարձրորակ, վստահելի և բազմազան բովանդակության ստեղծմանը՝ կենտրոնանալով այն թեմաների վրա, որոնք Ուկրաինայում պատերազմի պայմաններում և դրա ազդեցությամբ չեն արժանանում բավարար լուսաբանման՝ ունենալով հանրային կարևոր նշանակություն: Ծրագիրը ֆինանսավորում է Եվրոպական միությունը։

Ծրագրի խնդիրներն են՝

1. օժանդակել անկախ լրատվամիջոցներին, լրագրողներին և ստեղծագործական թիմերին` տրամադրելով բովանդակության ստեղծման աջակցություն,
2. աջակցել լրատվամիջոցների կարողությունների զարգացմանը մուլտիմեդիա պատմությունների վերաբերյալ սեմինարների և մենթորության միջոցով,
3. նպաստել տարբեր հարթակներով Հայաստանի հասարակությանը հանրային հետաքրքրության բարձրորակ բովանդակության տրամադրմանը:

Դիմել կարող են՝

1. անկախ լրատվամիջոցները,
2. պաշտոնապես գրանցված բոլոր լրատվական կազմակերպությունները, որոնք ծառայություններ են մատուցում հայաստանյան լսարանին,
3. լրագրողական հասարակական կազմակերպությունները,
4. բովանդակության ստեղծմամբ զբաղվող անկախ ընկերությունները,
5. 1-4 կետերում հիշատակվածներից որևէ մեկի անունից գործող լրագրողները/բովանդակություն ստեղծող թիմերը:

Ընտրության չափանիշների ամբողջական ցանկը՝ այստեղ:

Հայտատուները կարող են ակնկալել մինչև 5000 եվրոյի աջակցություն:

Դիմումների ընդունման վերջնաժամկետն է 2023թ. ապրիլի 2:

Ինչպես դիմել

Իբրև ուղեցույց՝ ուշադիր կարդացեք ընտրության չափանիշները:

Խնդրում ենք դիմել՝ լրացնելով առցանց ձևը:

Ծրագիրն իրականացվում է Եվրոպական միության աջակցությամբ։