Сацыяльна-дэмаграфічны партрэт дзяржаўнага службоўца ў Беларусі

У артыкуле «Сацыяльна-дэмаграфічны партрэт дзяржаўнага службоўца ў Беларусі», падрыхтаванымэкспертамі SYMPA/BIPART, разглядаецца, як змяніліся сацыяльна-дэмаграфічныя характарыстыкідзяржаўных службоўцаў за апошнія гады. Асноўнай крыніцай інфармацыі для даследавання паслужылі статыстычныя даныя, якія публікуюцца Нацыянальным статыстычным камітэтам кожныя два гады. Апошнія даступныя даныя даюць уяўленне аб складзе дзяржаўных службоўцаў у 2019 годзе, для ацэнкі зменаў кожны паказчык параўноўваецца з папярэднімі гадамі — 2017-м і асабліва 2015-м, пасля якога значна скарацілася колькасць дзяржаўных службоўцаў.

Сярод дзяржаўных службоўцаў захоўваецца гендарны дысбаланс: мужчыны, нягледзячы на нешматлікасць, часцей займаюць кіраўнічыя пасады і ў іх даўжэйшы стаж службы. У прыватнасці, сярод кіраўнікоў высокага рангу ўсяго некалькі жанчын, а сярод кіраўнікоў выканаўчых камітэтаў цалкам дамінуюць мужчыны. Для большасці жанчын «шкляной столлю» робіцца пасада намесніцы кіраўніка арганізацыі. У перыяд найбольшага скарачэння штату дзяржаўных службоўцаў з 2015 па 2017 гады часцей звальнялі жанчын, асабліва старэйшых узростаў (найперш, пенсійнага) і з нізкім узроўнем кваліфікацыі (спецыялістаў і вядучых спецыялістаў). 

SYMPA/BIPART. 2022