რას ფიქრობენ საჯარო სექტორში ადამიანის უფლებებსა და გენდერულ თანასწორობაზე

ანგარიში წარმოადგენს რაოდენობრივი და თვისებრივი კვლევის შედეგებს, რომელიც ჩატარდა საქართველოს საჯარო სამსახურში დასაქმებულ პირებს შორის. კვლევა აშკარად აჩვენებს, რომ მიუხედავად ადამიანის უფლებებისა და გენდერული თანასწორობის შესახებ პოზიტიური განწყობებისა, მნიშვნელოვან გამოწვევებად რჩება გენდერული სტერეოტიპები, კარიერული ბარიერები ქალებისთვის, სამუშაოსა და ოჯახური ვალდებულებების შეუთავსებლობა და უთანასწორობა ზეგანაკვეთურ შრომაში. ქალები უფრო მეტად გამოხატავენ მგრძნობელობას ადამიანის უფლებებისა და მოწყვლადი ჯგუფების მიმართ, მათ შორის ლგბტქ+ თემისა და შშმ პირების მიმართ. კვლევა ასევე ამხელს, რომ ქალი და კაცი საჯარო მოხელეების სამუშაო გამოცდილებაში კვლავ რჩება უთანასწორობა, განსაკუთრებით კარიერულ წინსვლასა და ანაზღაურების კუთხით. ანგარიში მნიშვნელოვან ინფორმაციას აწვდის როგორც სახელმწიფო უწყებებს, ასევე სამოქალაქო საზოგადოებასა და დონორ ორგანიზაციებს საჯარო ადმინისტრაციის გაძლიერებისათვის.