გენდერული თანასწორობის მიმართ დამოკიდებულების კვლევა საქართველოში

გაეროს ქალთა ორგანიზაციის მიერ 2025 წლის მარტში გამოქვეყნებული ანგარიში „გენდერული თანასწორობისადმი დამოკიდებულებების კვლევა საქართველოში“ წარმოადგენს მოსახლეობის შეხედულებების დეტალურ ანალიზს გენდერული თანასწორობის შესახებ სხვადასხვა სფეროში, მათ შორის განათლება, დასაქმება, ოჯახური ცხოვრება, ლიდერობა, უსაფრთხოება, ჯანმრთელობა, ფინანსური დამოუკიდებლობა, ქონებრივი უფლებები, საზოგადოებრივი როლები და პირადი თავისუფლება. კვლევა ჩატარდა CRRC-საქართველოს მიერ და მიზნად ისახავდა გენდერული სტერეოტიპების გავრცელების დონის შეფასებასა და მათი ცვლილებების დინამიკის განსაზღვრას.