«ԵՄ-ն հանուն կանանց և տղամարդկանց իրավահավասարության» ծրագրի ընդհանուր նպատակն է ամրապնդել կանանց ու տղամարդկանց հավասար իրավունքներն ու հնարավորությունները՝ կանանց ու տղամարդկանց դերերի հանրային ընկալումները փոխելու, գենդերային կարծրատիպերը հաղթահարելու և երեխաների խնամքի ու կենցաղային պարտականությունների իրականացման մեջ տղամարդկանց մասնակցությունը մեծացնելու միջոցով։

- Փոխել գենդերային կարծրատիպերի և ընտանիքում կանանց ու տղամարդկանց դերի շուրջ ընկալումները՝ այդպիսով մարտահրավեր նետելով կանանց իրավունքներն ու հնարավորությունները սահմանափակող նահապետական նորմերին․
- Ավելացնել տղամարդկանց ներգրավվածությունը տնային և խնամքի պարտականություններում և մեծացնել նրանց մասնակցությունը ակտիվ հայրություն խթանող ծրագրերին․
- Խթանել կանանց նկատմամբ բռնություն գործադրած անձանց հետ աշխատող ծրագրերում լավագույն փորձի ներդրումը և բարելավել կանխարգելիչ միջոցառումները։

- Գենդերային կարծրատիպերին մարտահրավեր նետելու լավագույն ուղիների ուսումնասիրություն` ավելի լավ հասկանալու համար, թե վարքագծի փոփոխության հասնելու որ մոտեցումներն են առավել հաջող․
- Կանանց և աղջիկների նկատմամբ գենդերային կարծրատիպերի և խտրական գործելակերպի դեմ պայքարին ուղղված իրազեկման և շահերի պաշտպանության նորարարական արշավների մեկնարկ․
- Դրամաշնորհներ տրամադրում ՔՀԿ-ներին՝ գենդերային կարծրատիպերի դեմ պայքարի միջոցով կանանց համար հնարավորությունների բարելավմանն ուղղված մի շարք հատուկ միջոցառումների իրականացման համար․
- Աշխատանք տեղական առողջապահական հաստատությունների հետ՝ նախածննդյան խնամքի գործընթացում տղամարդկանց ներգրավվածությունն ավելացնելու համար, ինչպես նաև ցանցերի ստեղծում, որտեղ հայրիկները կկարողանան օգուտ քաղել փոխադարձ փոխանակումից․
- Ծնողական արձակուրդի լավագույն պրակտիկաների ներդրման ջատագովություն՝ երեխաների դաստիարակությամբ և խնամքով զբաղվող տղամարդկանց թվի ավելացման համար․
- Հնարավոր հանցագործների հետ աշխատելու վերաբերյալ ուղեցույցի մշակում՝ կանանց նկատմամբ բռնությունը մինչև դրա տեղի ունենալը կանխելու համար․
- Տեխնիկական աջակցության ցուցաբերում կանանց նկատմամբ բռնություն գործադրած անձնաց հետ աշխատող հաստատություններին՝ ապացույցների վրա հիմնված վաղ կանխարգելման նորարարական մոդելների ինտեգրման ուղղությամբ: