Քաղաքների ֆինանսական խորհրդատվության ծրագիր. ԵՄ-ը եւ ՄԱԶԾ-ը մեկնարկում են նոր հայտամրցույթ

Եվրոպական միության (ԵՄ) կողմից ֆինանսավորվող եւ ՄԱԿ-ի Զարգացման ծրագրի (ՄԱԶԾ) կողմից իրականացվող «Համայնքի ղեկավարները հանուն տնտեսական զարգացման» (ՀՀՏԶ) ծրագիրը հայտարարում է նոր հայտամրցույթ Քաղաքների ֆինանսական խորհրդատվության ծրագրի (City Financial Advisory Programme) համար։

Նախաձեռնությունը համայնքներին կաջակցի իրենց առաքելությունից բխող քաղաքային ռազմավարությանը եւ քաղաքային ծրագրի նպատակներին համապատասխանող ներդրումների համար պատրաստ նախագծերի եւ նախագծային շղթաների հետագա մշակման գործում։

Ծրագրի նպատակն է ստեղծել Քաղաքների ֆինանսական խորհրդատվության գործառույթ (CFA Function)՝ տարածաշրջանային խորհրդատվական եւ զարգացման մեխանիզմ, որը նախատեսված է քաղաքների եւ ներդրողների միջեւ ֆինանսավորման բացը լրացնելու համար։ Այն կբարելավի տեղական ֆինանսական կարողությունները եւ կօգնի քաղաքային զարգացման նախագծերը միավորել ներդրումների համար հրապուրիչ պորտֆելներում։

Հայտարարությունը բաց է Հայաստանի, Մոլդովայի եւ Ուկրաինայի այն քաղաքների համար, որոնք արդեն մասնակցել են ՀՀՏԶ-ի առաքելությունամետ ​​տնտեսական պլանավորման կամ պորտֆելի ձեւավորման ծրագրերին, ինչպես նաեւ այլ առաջադեմ համայնքների համար, որոնք ունեն կայացած տեղական զարգացման ծրագրեր։

Այս մրցույթի շրջանակներում կընտրվեն հինգ քաղաքներ՝ ծրագրի առաջին տարվա գործունեությանը մասնակցելու համար։ Յուրաքանչյուր համայնք կստանա տեխնիկական աջակցություն եւ ԵՄ-ի կողմից ֆինանսավորվող 60,000 ԱՄՆ դոլարի դրամաշնորհ՝ ներդրումային պորտֆել մշակելու եւ այն առաջ մղելու համար։

Հայտերի ընդունման վերջնաժամկետը 2026 թվականի հունվարի 23-ն է։

Ծրագիրը նախատեսվում է ընդլայնել՝ 2026 թվականի ընթացքում դրանում ներառելով եւս մի քանի քաղաքների՝ առաջին խմբի հետ պիլոտավորման փուլից հետո։

Իմացիր ավելին

Մամուլի հաղորդագրություն

Ուղեցույց