Մրցույթ. Դեբեդ գետի ավազանի համար ջրհեղեղների ռիսկերի կառավարման նախնական ծրագրի մշակում

Ջրային ռեսուրսների միջազգային գրասենյակը (OiEau), որը EU4Green Recovery East (EU4GRE) ծրագրի (2025-2028) գործընկերներից մեկն է, հայտարարում է մրցույթ, որի նպատակն է մշակել Դեբեդ գետի ավազանի համար ջրհեղեղների ռիսկերի կառավարման նախնական ծրագիր:

Նպատակն է աջակցել ՀՀ շրջակա միջավայրի նախարարությանը՝ ազգային գործելակերպը ԵՄ ջրհեղեղների մասին հրահանգի պահանջներին համապատասխանեցնելու հարցում:

Ակնկալվում է, որ թեկնածուները կիրականացնեն Դեբեդ գետի ավազանի համար նախնական ջրհեղեղի ռիսկի գնահատման անցկացում, ջրավազանի ընտրված փորձնական տարածքի համար ջրհեղեղի վտանգի քարտեզների մշակում՝ ներառյալ հիդրոլոգիական եւ հիդրավլիկ մոդելավորումը, նույն փորձնական տարածքի համար ջրհեղեղի ռիսկի քարտեզների պատրաստում՝ ներառյալ խոցելիության գնահատումը, Դեբեդ գետի ավազանի համար նախնական ջրհեղեղի ռիսկի կառավարման պլանի մշակում։

Պայմանագրի առավելագույն արժեքը կազմում է 35,000 եվրո։

Աշխատանքները պետք է իրականացվեն հայկական ընկերության կամ ՀԿ(ներ)ի խմբի, համալսարանի, հետազոտական ​​հաստատության եւ այլնի կողմից, որոնք չեն ներկայացնում ծրագրի շահառուներին (Շրջակա միջավայրի նախարարություն, Տարածքային կառավարման եւ ենթակառուցվածքների նախարարություն, Ներքին գործերի նախարարություն, Լոռու մարզպետարան):

Հայտերի ներկայացման վերջնաժամկետը մարտի 13-ն է։

EU4Green Recovery East (EU4GRE) ծրագիրը Եվրոպական միության կողմից ֆինանսավորվող տարածաշրջանային ծրագիր է, որը նպատակ ունի աջակցել Արեւելյան գործընկերության երկրներին (Հայաստան, Ադրբեջան, Վրաստան, Մոլդովա եւ Ուկրաինա) շրջանաձեւ տնտեսության անցնելու, ջրային ռեսուրսների կառավարման բարելավման, շրջակա միջավայրի տվյալների համակարգերի ամրապնդման, ԵՄ շրջակա միջավայրի օրենսդրությանը համապատասխանեցման եւ միջսահմանային համագործակցության ընդլայնման գործում։

Իմացիր ավելին

Մամուլի հաղորդագրություն