Միացե՛ք հունիսի 9-12-ը կայանալիք «Նոր եվրոպական բաուհաուզ» փառատոնին

2022 թվականի հունիսի 9-ից 12-ը Եվրոպական հանձնաժողովը կազմակերպում է առաջին «Նոր Եվրոպական Բաուհաուզ» փառատոնը և ընդունում հայտեր անհատներից ու ոչ առևտրային կազմակերպություններից՝ փառատոնին մասնակցելու համար:

2022 թվականի փառատոնը կանցկացվի հիբրիդային ձևաչափով, իսկ հիմնական միջոցառումները տեղի կունենան Բրյուսելում, որին զուգահեռ հարակից միջոցառումներ կանցկացվեն ԵՄ-ում և նրա սահմաններից դուրս: Փառատոնին մասնակցելու հայտ կարող են ներկայացնել կազմակերպություններ, մշակութային կոլեկտիվներ, հաստատություններ, համալսարաններ, ճարտարապետներ, քաղաքներ, մարզեր, ընկերություններ, արվեստագետներ, ուսանողներ, գիտնականներ, նորարարներ և այլ հետաքրքրված անձինք: Հայաստանը, Ադրբեջանը, Բելառուսը, Մոլդովան և Ուկրաինան ներկայացնող անհատներն ու ոչ առևտրային կազմակերպությունները նույնպես հրավիրվում են մասնակցելու տոնավաճառին և փառատոնին (երկուսն էլ տեղի կունենան Բրյուսելում) և կազմակերպելու հարակից միջոցառումներ:

Բոլոր հայտերը պետք է խթանեն Նոր եվրոպական Բաուհաուզի արժեքները և գեղեցիկ ու կայուն տարածքների և համակեցության ձևերի զարգացումը:

Հայտերի ներկայացման վերջնաժամկետը 2022թ. մարտի 7-ն է։

Իմացիր ավելին

Մամուլի հաղորդագրություն

Հետաքրքրության արտահայտման հրավեր հարակից միջոցառում կազմակերպելու համար

Հետաքրքրության արտահայտման հրավեր տոնավաճառի համար. ծրագրերի ցուցահանդես

Հետաքրքրության արտահայտման հրավեր փառատոնի համար. մշակութային և արտիստական միջոցառումներ