Մեկնարկել է ԱլԳ քաղաքացիական հասարակության կրթաթոշակային ծրագրի 2025թ. հայտերի ընդունումը
Մեկնարկել է Արեւելյան գործընկերության քաղաքացիական հասարակության կրթաթոշակային ծրագրի 2025թ. հայտամրցույթի առաջին փուլը։ Հայտամրցույթի ուշադրության կենտրոնում շրջակա միջավայրի եւ կլիմայի փոփոխության հիմնախնդիրներն են:
Քաղաքացիական հասարակության կրթաթոշակների այս մրցույթը բաց է Արեւելյան գործընկերության երկրների (Հայաստան, Ադրբեջան, Բելառուս, Վրաստան, Մոլդովա եւ Ուկրաինա) բոլոր քաղաքացիների համար՝ անկախ նրանց ներկայիս գտնվելու վայրից: Դիմորդը պետք է լինի 18 տարեկանից բարձր, ունենա անգլերեն լեզվի լավ իմացություն եւ կրթաթոշակային ծրագրի գաղափար կամ համայնքային ակտիվության, կամ էլ քաղաքացիական տեխնոլոգիաների ոլորտում:
Սույն մրցույթի շրջանակում հատկացվող կրթաթոշակները երկու տեսակի են՝ Համայնքային ակտիվության կրթաթոշակներ եւ Քաղաքացիական թվային կրթաթոշակներ (նախատեսված են հատուկ ՏՏ մասնագետների համար, ինչպիսիք են ինժեներ – ծրագրավորողները, տվյալների մասնագետները, դիզայներները, ովքեր օգտագործում են տեխնոլոգիաներ՝ ի օգուտ համայնքի):
Ընտրված թեկնածուներին կտրամադրվի համապատասխան ուսուցում եւ հրահանգավորում, 5000 եվրո՝ համապատասխան գործողությունների իրականացման համար, ինչպես նաեւ գործնական կապերի հաստատման հնարավորություններ: Դուք նաեւ կկարողանաք դառնալ ԱլԳ քաղաքացիական հասարակության հիմնադրամի կրթաթոշակային ծրագրի շրջանավարտների ցանցի անդամ:
Դիմումների վերջնաժամկետը 2024 թ. դեկտեմբերի 30-նն է։
2024 թ. դեկտեմբերի 10-ին Արեւելյան գործընկերության քաղաքացիական հասարակության հիմնադրամը հնարավոր դիմորդների համար կանցկացնի առցանց տեղեկատվական հանդիպում, որին մասնակցելու համար խնդրում ենք գրանցվել այցտեղ։
Իմացիր ավելին
ՎԵՐՋՆԱԺԱՄԿԵՏ՝
ՀՆԱՐԱՎՈՐՈՒԹՅԱՆ ՏԵՍԱԿ
ԱՄԵՆԱԿԱՐԴԱՑԱԾ
ԱՌՆՉՎՈՂ ԹԵՄԱՆԵՐ
EU4Dialogue ծրագիրը մեկնարկում է դրամաշնորհային մրցույթ ՀՀ մարզերում տեղական մակարդակում նախաձեռնվող համայնքահեն ծրագրերի համար
ՍԱԼՏՈ. Հայտերի ընդունում ս.թ. հոկտեմբերին Վրաստանում կայանալիք միջազգային գործընկերության հաստատման միջոցառմանը մասնակցելու համար
Three4ResilientArmenia ծրագրի շրջանակում մեկնարկում է բիզնեսի աջակցության ծրագրերի հայտադիմումների ընդունման երրորդ փուլը
ՍԱԼՏՈ-ն կազմակերպում է ուսումնական այց դեպի Ավստրիայի Տիրոլ նահանգ՝ առաջարկելով ծանոթանալ տեղում գյուղական երիտասարդական աշխատանքի առանձնահատկություններին
Սիմոնակ Վեյլի անվան մրցանակ. մեկնարկել է առաջին մրցույթի համար հայտերի ընդունումը, որը բաց է նաեւ Հայաստանի համար
Սույն կայքում առկա տեղեկատվությունը կարգավորվում է պատասխանատվության սահմանափակման և անձնական տվյալների պաշտպանության մասին դրույթներով:
© European Union,
