Հայաստանում Եվրոպական միության պատվիրակությունը փնտրում է վարչական բաժնի քարտուղարի 

Հայաստանում Եվրոպական միության պատվիրակությունը փնտրում է վարչական բաժնի քարտուղարի։ Աշխատանքի մեկնարկի ակնկալվող ամսաթիվը հուլիսի 1-ն է:

Հաջողակ թեկնածուն կծառայի վարչական բաժնի ղեկավարի հսկողության եւ պատասխանատվության ներքո՝ աջակցելով գնումների ընթացակարգերի (մատակարարումներ եւ ծառայությունների մատուցում), փաստաթղթերի եւ էլ.փոստի կառավարման,  նամակագրության եւ ներքին փաստաթղթերի արխիվացման, պահպանման, գրանցման, ուղարկման եւ ստացման, ինչպես նաեւ պլանավորման, հանդիպումների եւ ճամփորդությունների կազմակերպման, նոթերի եւ արձանագրությունների, ինչպես նաեւ նշումների (այդ թվում՝ բանավոր նշումների) կազմման հարցերում:

Բազային աշխատավարձը կախված է համապատասխան եւ հաստատված աշխատանքային փորձից եւ սովորաբար սկսում է տարեկան 7,909,226 ՀՀ դրամից:

Դիմորդը պետք է ունենա քարտուղարի, գրասենյակի ադմինիստրատորի կամ համարժեք վկայական եւ քարտուղարի կամ գրասենյակի օգնականի երեք տարվա մասնագիտական փորձ, անգլերենի իմացության նվազագույն B2 մակարդակ եւ հայերենի գերազանց իմացություն (ցանկալի է՝ որպես մայրենի լեզու):

Դիմումների ընդունման վերջնաժամկետը հունիսի 5-ն է։

Իմացիր ավելին

Մամուլի հաղորդագրություն