Հայաստանում ԵՄ պատվիրակությունում վճարվող փորձնակության հնարավորություն՝ երիտասարդ շրջանավարտների համար

Հայաստանում ԵՄ պատվիրակությունը վճարվող փորձնակության հնարավորություն է առաջարկում միջազգային հարաբերություններով հետաքրքրված եւ դիվանագիտական առաքելությունների աշխատանքին ծանոթանալու ցանկություն ունեցող երիտասարդ շրջանավարտներին։

Պատվիրակությունն առաջարկում է վեցամսյա փորձնակության հնարավորություն իր Համագործակցության բաժնում (COOP) եւ Քաղաքական, մամուլի եւ տեղեկատվական բաժնում (PPI)։

Փորձնակությունը սկսվում է 2024թ․ մայիսին։

Պատվիրակությունը կքննարկի միայն ներկայումս Հայաստանում բնակվող դիմորդների թեկնածությունը: Թեկնածուները պետք է ունենան հաղորդակցության, մեդիայի, զարգացման կամ մարդասիրական օգնության հետ կապված ուսումնասիրությունների մագիստրոսի (կամ համարժեք) դիպլոմ  եւ բանավոր ու գրավոր անգլերենի եւ հայերենի գերազանց իմացություն: Ռուսերենի եւ/կամ ԵՄ այլ լեզուների լավ աշխատանքային իմացությունը կդիտարկվի որպես առավելություն (PPI բաժին):

Ընտրված փորձնակներից յուրաքանչյուրը կստանա ամսական դրամաշնորհ՝ կեցության ծախսերը հոգալու համար: Ճանապարհորդության, վիզայի, ապահովագրության, կացարանի հետ կապված բոլոր ծախսերը պետք է հոգա փորձնակը:

Դիմելու վերջնաժամկետը 2024 թ․ մարտի 31-ն է

Իմացիր ավելին

Մամուլի հաղորդագրություն