Հայաստան. ՔՈՎԻԴ-19 համավարակի և 2020թ. պատերազմի հետևանքների մեղմման նպատակով դրամաշնորհներ ստանալու հնարավորություն՝ ՔՀԿ-ների համար

Եվրոպական միության կողմից ֆինանսավորվող «ՁԳՏՈՒՄ ավելի լավ ապագայի. Համայնքների և քաղաքացիական հասարակության դիմակայունություն Հայաստանում» (STRIVE) ծրագրի շրջանակում ընդունվում են հայտեր՝ Հայաստանում ՔՈՎԻԴ-19 համավարակի և 2020թ. պատերազմի մարդասիրական, սոցիալական և տնտեսական հետցնցումների մեղմման նպատակով փոքր դրամաշնորհների համար։

Հայտ կարող են ներկայացնել Հայաստանում գրանցված բոլոր հասարակական կազմակերպությունները:

Տրամադրվելու է մինչև 25 դրամաշնորհ։ Յուրաքանչյուր դրամաշնորհի չափը կլինի 2,5-10 մլն ՀՀ դրամի սահմաններում։

STRIVE ծրագիրն իրականացվում է Մերձավոր Արևելքի հիմնադրամի Բելգիայի գրասենյակի կողմից Հայաստանում գործող չորս քաղհասարակության կազմակերպությունների հետ գործակցությամբ՝ նպատակ ունենալով բարելավել հայաստանյան ՔՀԿ-ների դիմակայունությունը, գործունեության կայունությունը, հաշվետվողականությունը և նորարարական կարողությունները:

Հայտերը ներկայացնելու վերջնաժամկետն է 2022թ. մայիսի 22-ը։

Իմացիր ավելին

Մամուլի հաղորդագրություն