Եվրոպական փառատոնների սկսնակ արվեստագետների հիմնադրամը հայտարարում է մրցույթ, որին կարող են մասնակցել նաեւ Հայաստանի արվեստագետները
2 Փետրվարի, 2024

Եվրոպական փառատոնների սկսնակ արվեստագետների հիմնադրամը հայտարարում է մրցույթ, որին կարող են մասնակցել նաեւ Հայաստանի արվեստագետները


Եվրոպական փառատոնների սկսնակ արվեստագետների հիմնադրամը (EFFEA) հայտարարում է փառատոնների մրցույթ՝ Եվրոպայում սկսնակ արվեստագետներին աջակցելու նպատակով։ EFFEA-ը «Եվրոպական փառատոններ» ասոցիացիայի նախաձեռնությունն է։

EFFEA-ը կաջակցի շուրջ 50 ռեզիդենտական այցերի, որոնք կներգրավեն 50 սկսնակ արվեստագետների 50 առաջատար փառատոններում։ Յուրաքանչյուր ռեզիդենտ կարող է ներգրավվել նվազագույնը մեկ («Բացահայտում/Discovery» անվանակարգ) կամ երկու գործընկեր փառատոններում («Ցատկ/Springboard» անվանակարգ):

EFFEA Residency-ն արվեստագետների հյուրընկալման ծրագիր է, որը համատեղ ստեղծվում է առաջատար փառատոնի եւ առնվազն երկու գործընկեր փառատոնների կողմից, որոնցից յուրաքանչյուրը պետք է ներկայացնի մեկական իրավասու երկիր (ԵՄ անդամ պետություններ, «Ստեղծարար Եվրոպա» ծրագրին ասոցացված երկրներ՝ ներառյալ Հայաստանը, եւ այլ ներառված երկրներ):

Ծրագիրը սկսնակ արվեստագետներին հնարավորություն է տալիս ուսումնասիրել իրենց գաղափարներն ու ստեղծագործական նախագծերը, անկախ նրանից՝ դրանք օրիգինալ գործեր են, թե գոյություն ունեցողների մեկնաբանություններ՝ տրամադրելով նրանց հատկացված ժամանակ, տարածություն եւ աջակցություն:

Փառատոններն ու արվեստագետները պետք է գործեն հետեւյալ գեղարվեստական ուղղություններից մեկում՝ ճարտարապետություն, բալետ, ժամանակակից պարեր, կրկես, դիզայն/կիրառական արվեստ, թվային արվեստ, կինո, բանահյուսություն եւ ժողովրդական արվեստ, ժառանգություն, միջդիսցիպլինար արվեստ, գրականություն, երաժշտություն, օպերա, փողոցային արվեստ, թատրոն, լուսանկարչություն/տեսանկարչություն, քանդակագործություն, գեղանկարչություն։

«Բացահայտում» անվանակարգում կշնորհվի մոտ 40 դրամաշնորհ՝ 8000 եվրոյի չափով, իսկ «Թռիչք» անվանակարգում՝ 10 դրամաշնորհ՝ 15,000 եվրոյի չափով։

Արտիստական ռեզիդենտական այցերը պետք է տեղի ունենան 2024 թվականի հունիսի 1-ից մինչեւ 2025 թվականի մայիսի 31-ը ժամանակահատվածում։

Դիմումների ընդունման վերջնաժամկետն է 2024 թվականի մարտի 19-ը:

Մինչեւ վերջնաժամկետը EFFEA-ը կանցկացնի երկու տեղեկատվական հանդիպումներ, մեկը՝ ճանաչողական, իսկ մյուսը՝ հարցուպատասխանի ձեւաչափով։ Հանդիպումները տեղի կունենան փետրվարի 9-ին (գրանցվել այստեղ) եւ մարտի 1-ին (գրանցվել այստեղ):

Իմացիր ավելին

Մամուլի հաղորդագրություն

ՎԵՐՋՆԱԺԱՄԿԵՏ՝

19 Մարտի, 2024

ՀՆԱՐԱՎՈՐՈՒԹՅԱՆ ՏԵՍԱԿ



Հետաքրքրվա՞ծ եք վերջին նորություններով ու հնարավորություններով

Այս կայքը կառավարվում է 2020-2024թթ. համար Եվրամիության կողմից ֆինանսավորվող Արևելյան հարևանության տարածաշրջանային հաղորդակցության ծրագրի («ԵՄ արևելյան հարևաններ») կողմից: Ծրագիրը լրացնում և աջակցում է գործընկեր երկրներում ԵՄ պատվիրակությունների հաղորդակցական գործունեությանն ու աշխատում է Եվրոպական հանձնաժողովի Հարևանության քաղաքականության և ընդլայնման բանակցությունների գլխավոր տնօրինության ու ԵՄ արտաքին գործողությունների ծառայության ղեկավարության ներքո: Ծրագիրն իրականացնում է GOPA PACE-ի գլխավորած կոնսորցիումը:


Սույն կայքում առկա տեղեկատվությունը կարգավորվում է պատասխանատվության սահմանափակման և անձնական տվյալների պաշտպանության մասին դրույթներով:
© European Union,