Եվրոպական համերաշխության կորպուս. հաշմանդամություն ունեցող անձանց հետ 6-ամսյա կամավորության հնարավորություն Բուլղարիայում

Բուլղարիայի Կազանլակ քաղաքում գործող «Օսվոբոժդենիյե-1884» համայնքային կենտրոնը 18-30 տարեկան երիտասարդներին հրավիրում է 2024 թվականի ապրիլի 1-ից սեպտեմբերի 30-ը մասնակցելու իր աշխատանքներին:

Կամավորությանը կարող են մասնակցել Հայաստանի, Ադրբեջանի, Վրաստանի եւ Ուկրաինայի քաղաքացիները։

Աշխատանքների մեծ մասն առնչվում է հաշմանդամություն ունեցող երեխաներին, երիտասարդներին եւ տարեցներին օգնություն ցուցաբերելուն: Դրանց մյուս մասը ենթադրում է ծանոթություն բուլղարական ավանդույթներին եւ սովորույթներին՝ տեղի բնակչության համար փառատոներ, երեխաների մասնակցությամբ միջոցառումներ, ցուցահանդեսներ եւ գործողություններ կազմակերպելու համար:

Կամավորի համար կեցությունը կլինի անվճար։ Տրանսպորտային ծախսերը կփոխհատուցվեն կամավորի Բուլղարիա ժամանելուց հետո։ Ամեն ամիս կամավորը կստանա 150 եվրո՝ գրպանի եւ 200 եվրո՝ սննդի ծախսերի համար:

Կամավորը հնարավորություն կունենա սովորել բուլղարերեն լեզու եւ բացահայտել բուլղարական բանահյուսությունը։

Այս կոչը հստակ վերջնաժամկետ չունի, բայց որքան շուտ դիմեք, այնքան մեծ կլինեն ձեր հնարավորությունները:

Իմացիր ավելին

Մամուլի հաղորդագրություն