«EU4Environment» ծրագիրը փնտրում է ծառայությունների մատուցման գործընկեր, որը կիրականացնի Հայաստանի հյուսիսային գետավազանային կառավարման ծրագրի շրջակա միջավայրի վրա ազդեցության գնահատման գործընթացը

ԵՄ կողմից ֆինանսավորվող «ԵՄ-ն հանուն շրջակա միջավայրի» (EU4Environment) ծրագրի իրականացնող գործընկեր Ջրի միջազգային գրասենյակը (Office International de l’Eau) փնտրում է ծառայությունների մատուցման գործընկեր (ֆիզիկակական կամ իրավաբանական անձ), որը կիրականացնի Հայաստանի հյուսիսային գետավազանային կառավարման պլանի շրջակա միջավայրի վրա ազդեցության գնահատումը։

Այս առաջադրանքի հիմնական նպատակն է նպաստել Հայաստանում հյուսիսային գետավազանային կառավարման ծրագրի ընդունմանը` տրամադրելով փորձագիտական գիտելիքներ եւ աջակցելով շրջակա միջավայրի վրա ազդեցության ռազմավարական գնահատման եւ փորձաքննության գործընթացի իրականացմանը:

Պայմանագրի գումարը կազմում է 12,000 եվրո: Հաշվետվությունները եւ արդյունքները պետք է ներկայացվեն անգլերեն եւ հայերեն լեզուներով:

Դիմելու վերջնաժամկետը սեպտեմբերի 11-ն է։

«ԵՄ-ն հանուն շրջակա միջավայրի՝ ջրային ռեսուրսներ եւ բնապահպանական տվյալներ» ծրագիրը նպատակ ունի գործարկել բնական ռեսուրսների պահպանմանն ուղղված մի քանի հիմնական մեխանիզմներ՝ երկրներին ընձեռելով կանաչ աճի հնարավորություն՝ Եվրոպական կանաչ գործարքի եւ հետկորոնավիրուսային ժամանակաշրջանի կանաչ վերականգնման սկզբունքներին համապատասխան։

Սա կնպաստի ավելի երկարաժամկետ բնապահպանական, կլիմայական եւ սոցիալ-տնտեսական դիմակայունությանը, ինչպես նաեւ կբարելավի մարդկանց առողջությունն ու բարեկեցությունը:

Իմացիր ավելին

Մամուլի հաղորդագրություն